NÁMSÁÆTLUN OG BÓKALISTI  |  VERKEFNI og GLÓSUR |  GAMALT PRÓF  

Almennt
Undanfari: 5-6 á grunnskólaprófi
DAN 102 er tveggja eininga áfangi og er kenndur 6 kennslustundir eða 4 x 50 mín. tímar á víku. Kennarar á haustönn 2010 eru Gerður Hannesdóttir og Hildur Halldórsdóttir

Áfangalýsing 
Megináhersla er lögð á textalestur og hlustun þannig að nemendur séu færir um að skilja allt venjulegt talað og ritað mál almenns eðlis. Áhersla er lögð á að orðaforði og lesskilningur nemenda verði aukinn, svo og að þeir geti tjáð sig af lipurð munnlega og skriflega. Undirstöðuatriði danskrar málfræði er rifjuð upp og málnotkun þjálfuð með skriflegum og munnlegum æfingum. Nemendur fá þjálfun í að nota hjálpargögn og kennsluforrit í námi sínu.

Áfangamarkmið
Lestur: 
Markmiðið er að nemendur geti hratt og örugglega áttað sig á megininntaki texta þótt þeir skilji ekki hvert orð. Einnig er leitast við að nemendinn geti 1) leitað eftir tilteknum upplýsingum, 2) lesið sér til gagns mismunandi gerðir texta sem tengjast efnisflokkum áfangans, 3) lesið og skilið stutta texta sem krefjast nákvæmnisskilnings, 4) notað leitarvef til að afla upplýsinga á dönsku um afmörkuð efni og 5) lesið og skilið inntak lengri texta, svo sem bókmenntatexta eða annarra texta sem í löngu máli fjalla um efni almenns eðlis. Gert er ráð fyrir að nemendur lesi 2 hraðlestrarbækur af venjulegri lengd.

Hlustun:
Markmiðið er að nemendur geti skiljið og nýtt sér hagnýtar upplýsingar sem heyrast við ákveðnar aðstæður, t.d. á járnbrautarstöð, á flugvelli, í banka, á matsölustað og öðrum stöðum sem tengjast daglegu lífi. Einnig er leitast við að nemendur skilji atburðarás í frásögnum, skilji samtal tveggja til þrigja og skilji smáatriði í almennum lengri frásögnum. 

Tal:
Markmiðið er að nemendur hafi tilfinningu fyrir framburði allra hljóða, áherslum og hrynjandi málsins. Einnig er leitast við að nemendur geti tjáð sig um tilfinningar, þarfir, óskir og athafnir daglegs lífs, geti skipst á upplýsingum við aðra á dönsku, geti notað grunnorðaforða, sem unnið hefur verið með og talað dönsku lipurlega og með nægilega góðum framburði, hrynjandi og áherslum til að vel skiljist.

Ritun:
Markmiðið er að nemendur geti nýtt sér hjálpargögn við ritun, s.s. orðabækur og málnotkunarbækur og geti virkjað orðaforða sinn á meðvitaðan hátt með því að skrifa um efni sem unnið er með , t.d. í tengslum við ákveðin þemu. Einnig er markmiðið að nemendur geti tekið þátt í óformlegum og hálfformlegum skriflegum samskiptum við Dani, t.d. tölvu- eða bréfasamskiptum, og geti skrifað viðstöðulaust u.þ.b. 30 línur á 10 mínútum um efni sem þeir hafa unnið með. 

Málfræði:
Markmiðið er að nemendur geti beitt hljóðvarpi, brottfalli, einföldun, tvöföldun og eignarfalli nafnorða og kunni beygingu sagna,reglulega og óreglulega. 

Námsmat
Námsmat tekur mið af þeirri vinnu sem nemendum er ætlað að inna af hendi samkvæmt námsáætlun og kröfur gerðar í samræmi við það (sjá einnig námsáætlun).