NÁMSÁÆTLUN |  VERKEFNI og GLÓSUR |  GAMALT PRÓF  

Dan 193

Kennari Ágústa Harðardóttir

 Almennt
DAN 193 er áfangi fyrir þá sem náðu ekki 5 á grunnskólaprófi í dönsku.

Skylt er að ljúka áfanganum til þess að geta haldið áfram í DAN 102.

 Áfangalýsing 
Megináhersla er lögð á að byggja upp orðaforða með textalestri (yfirlitslestri, leitarlestri og nákvæmnilestri) og hlustun. Fengist er við grunnatriði í danskri málfræði og framburði og verkefni eru bæði munnleg og skrifleg.

Námsefnið fyrir DAN 193 fæst hjá kennara

Námsmat

Símat á önninni (próf og verkefni) gildir 100% – Ekki lokapróf í desember.

6-8 (stutt) skrifleg próf í kennslustundum (reyna á orðaforða, skilning og færni)  60%
2-3 ritunarverkefni (skilaverkefni) 15%

Mat á munnlegri færni og hlustunarskilningi 20%
Mæting 5%

Það er mjög mikilvægt að:

·         mæta vel í tíma og vera virkur í náminu (bæði í tímum og milli tíma)

·         passa vel upp á öll námsgögn

Þú kaupir námsefni (ljósrit í hefti) hjá kennaranum en færð líka ýmis stök ljósrit afhent. Auk þess þarftu að hafa stílabók eða laus blöð til að skrifa á.

Ég mæli eindregið með að þú geymir allt sem tilheyrir dönskunni í teygjumöppu sem þú hefur alltaf meðferðis í tíma.

·         vinna jafnt og þétt

§  rifja upp heima það sem búið er að fara yfir í tíma svo það sem lærist festist í langtímaminninu.

§  vinna upp á eigin spýtur heima ef þú missir af tíma og nýta þér þann stuðning sem boðið er upp á í skólanum.

Munum:

·         að nýta okkur skyldleika dönsku og íslensku þegar við tökumst á við dönskuna.

·         að almenn þekking okkar (t.d. enskukunnátta) og reynsla gagnast í málanámi.

·         að þor og vilji til að giska er mikilvægt. (En gleymum þó ekki orðabókunum!)

Með ósk um góða samvinnu,

Ágústa Harðardóttir

Dan 193                       Náms- og kennsluáætlun                            Haust 2011

          + tímasókn (raunmæting) 5%