NÁMSÁÆTLUN OG BÓKALISTI  |  VERKEFNI og GLÓSUR   |  FJARNÁM  |  GAMALT PRÓF

Áfanginn er ekki kenndur á haustönn 2010 í dagskóla. Áfanginn er kenndur í fjarnámi

Almennt
Undanfari: DAN 103
Kennari á vorönn 2010 er: Gerður Hannesdóttir

Áfangalýsing 
Megináhersla er lögð á lestur, vandlegan lestur erfiðra texta og hraðlestur skáldsagna. Málfærni og ritfærni er þjálfuð í tengslum við viðfangsefnið hverju sinni. Nemendur er þjálfaðir í að nota algeng orð og orðasambönd í ræðu og riti. Nemendur eru þjálfaðir í að beita mismunandi stilbrögðum við ritun texta. Talþjálfun miðar að því að nemendur læri að orða hugsanir sínar skýrt og skilmerkilega í samtölum og frásögnum. Einnig fá nemendur sýnishorn af norskum og sænskum textum.

Áfangamarkmið
Lestur: 
Markmiðið er að nemendur geti beitt mismunandi lestraraðferðum, þ.e. leitarlestri, yfirlestri, hraðlestri og nákvæmnislestri. Einnig er gert ráð fyrir að nemendur geti skilið intak texta sem fjalla um nokkuð sérhæft efni, t.d. fréttatengt efni í dagblödum, tímaritsgreinar og texta úr alfræðibókum. Ætlast er til að nemendur geti lesið lengri bókmenntatexta og stutta norska og sænska texta byggða á orðaforða sem þeir hafa á dönsku. 

Hlustun:
Markmiðið er að nemendur skilju ríkisdönsku þegar talað er við hann skýrt og á eðlilegum hraða um þekkt efni, t.d. ýmis dægurmál eða reynslu úr daglegu lífi. Einnig er gert ráð fyrir að nemendur skilji megininntak talaðs máls sem tengist myndefni, t.d. í fréttum, kvikmyndum, samtalsþáttum og öðrum þáttum um þekkt efni. Að auki eiga nemendur að geta hlustað eftir og skilið smáatriði í efni sem tengist efnisflokkunum. 

Tal:
Markmið er að nemendur geti tjáð hugsun sína á dönsku skýrt og skilmerkilega við mismunandi aðstæður og með ólíkan tilgang í huga. Ennig er gert ráð fyrir að nemendur geti notað grunnorðaforða, sem unnið hefur verið með í efnisflokkunum, á eigin forsendum í nýju samhengi og geti sagt það sem hann vill á þann hátt sem þjónar aðstæðum hverju sinni.

Ritun:
Markmiðið er að nemendur geti skrifað 40-50 línur viðstöðulaust um efni sem búið er að vinna með og geta hagað orðum sínum og málfari í samræmi við efni textans hverju sinni. Ennig er gert ráð fyrir að nemendur kunni skil á reglum um uppbyggingu texta og hafi vald á nokkrum textagerðum, t.d. persónulegum bréfum, hálfformlegum bréfum, umsóknum, endursögnum og frásögnum.

Námsmat
Námsmat tekur mið af þeirri vinnu sem nemendum er ætlað að inna af hendi samkvæmt námsáætlun og kröfur gerðar í samræmi við það (sjá einnig námsáætlun).