NÁMSÁÆTLUN OG BÓKALISTI  |  VERKEFNI og GLÓSUR|  GAMALT PRÓF |  FJARNÁM

Áfanginn er ekki kenndur á haustönn 2010. Áfanginn er  kenndur í fjarnámi á haustönn 2010

Almennt
Undanfari: DAN 212/203

Áfangalýsing 
Stefnt er að því að nemendur verði vel læsir á flóknari texta en áður og geti áttað sig á dýpri merkingu þeirra. Nemendur fá þjálfun í að beita rétt meginreglum danskrar málfræði, hljóðfræði og setningafræði í ræðu og riti. Lögð er áhersla á að nemendur séu færir um að tjá hugsun sína skýrt og geti rökstutt skoðarnir sínar lipurlega. Nemendur fá þjálfun í að vinna að viðamiklum verkefnum þar sem efnis er leitað á bókasöfnum, vefsíðum og margmiðlunarefni. 

Áfangamarkmið

Lestur: 
Markmiðið er að nemendur geti lesið á milli línanna og áttað sig á dýpri merkingu orða þegar fjallað er um efni sem þeir hafa kynnt sér. Einnig er gert ráð fyrir að nemendur geti áttað sig á tengslum ritmáls og myndmáls, t.d. í dagblaða- og fræðitextum og geti dregið ályktanir af skýringarmyndum, línuritum og gröfum. Að auki er stefnt að því að nemendur séu nokkuð vel læsir á alls kyns vísinda- og fræðitexta og geti leitað að og nýtt sér upplýsningar sem til eru á dönsku t.d. á bókasöfnum, vefsíðum og í margmiðlunarefni, um viðfangsefni annarra námsgreina.

Hlustun:
Markmiðið er að nemendur geti hlustað og skilið efni í 10 – 15 mínútur og unnið sjálfstætt með hlustunarefni sem ekki er formlegt námsefni. Einnig er gert ráð fyrir að nemendur geti skilið norsku og sænsku þegar talað er skýrt og skilmerkilega um efni sem þeir þekkja vel og unnið hefur verið með í dönskukennslunni.

Tal:
Markmiðið er að nemendur búi yfir nægjanlegum orðaforða og færni til að geta tjáð sig í samfelldu máli um almenn efni og geta gripið til umorðana og útskýringa ef orðaforða þrýtur. Einnig er gert ráð fyrir að nemendur geti beitt rétt meginreglum danskrar málfræði, hljóðfræði og setningafræði og geti notað grunnorðaforða, sem unnið hefur verið með í efnisflokkum áfangans.

Ritun:
Markmiðið er að nemendur geti tjáð hugsun sína, útskýrt og rökstutt mál sitt í samfilldu rituðu máli á skipulegan, rökrænan og skiljanlegan hátt. Einnig er stefnt að því að nemendur geti greint frá meginmáli texta eða hugsun annarra á skipulegan, rökrænan og hnitmiðaðan hátt og tjáð hugsanir sínar í ólíkum tilgangi. Að auki er gert ráð fyrir að nemendur geti unnið að viðamiklum verkefnum þar sem reynir á ritfærni, þekkingu á uppbyggingu texta og framsetningu efnis, t.d. gerð blaða, kynningarefnis eða smásagna.

Námsmat
Námsmat tekur mið af þeirri vinnu sem nemendum er ætlað að inna af hendi samkvæmt námsáætlun og kröfur gerðar í samræmi við það (sjá einnig námsáætlun).