Lyfjatæknabraut - um brautina

Tanntæknabraut    Læknaritarabraut     Sjúkraliðabraut    Nuddbraut    Lyfjatæknabraut  FÁ

Markmið lyfjatæknabrautar er að sérmennta fólk til starfa við afgreiðslu, sölu og dreifingu lyfja. Inntökuskilyrði á brautina er grunnskólapróf.  Lyfjatæknanám er viðurkennd starfsmenntun og lyfjatæknar eru eftirsóttir starfskraftar. Starfsheiti þeirra er lögverndað af heilbrigðis- og tryggingamálaráðuneytinu. Ný námskrá. Kennt verður samkvæmt nýrri námskrá í lyfjatækni haustið 2004. Gamla brautin var 140 eininga nám í átta annir og til viðbótar kom tíu mánaða verklegt nám. Nemendur sem byrjaðir voru á 1.ári í sérgreinum samkvæmt gömlu námskránni ljúka námi sínu vorið 2005. Nýnemar (og nemendur sem byrjaðir voru á gömlu námskránni) haustið 2004 byrja nám sitt samkvæmt nýju námskránni. Nýja námskráin er 162 einingar og er gert ráð fyrir að meðtalnámstíminn sé fjögur og hálft ár; eins og hálfs árs almennt nám (3 annir) og þriggja ára sérnám (6 annir), þar af 14 vikna starfsþjálfun í lyfjaverslun eða á öðrum heppilegum námsstað. í apóteki eða á öðrum vinnustað þar sem fengist er við lyf. Fyrstu þrjár annirnar eru kallaðar aðfararnám en þá eru teknir fyrir skilgreindir áfangar sem kenndir eru í flestum framhaldskólum landsins. Aðfaranámi verður að ljúka að mestu leyti áður en nemandi getur hafið nám í séráföngum lyfjatæknabrautar. Í aðfaranámi er lögð áhersla á undirstöðugreinar eins og tungumál, samfélagsgreinar og raungreinar. Hér má sjá hvernig nýja námsbrautin skiptist í áfanga: Brautin haustið 2004. (Gamla námsbrautin: Brautin haustið 2004). Lyfjatæknar vinna fjölbreytt störf víða í samfélaginu. Flestir starfa í apótekum, í heildsölum, í lyfjagerð, á sjúkrahúsum og í opinberum stofnunum, t.d. hjá Lyfjastofnun. Kennarar brautarinnar: Bryndís Þóra Þórsdóttir  og Guðrún Kjartansdóttir