Sögudeild Fjölbrautaskólans við Ármúla

“Að vita ekki hvað gerðist áður en þú fæddist er að vera barn að eilífu” sagði rómverski ræðusnillingurinn Cicero löngu fyrir Krists burð. Við sögukennarar Fjölbrautaskólans við Ármúla viljum ekki að nemendur okkar séu dæmdir til eilífs barndóms og bjóðum því alla velkomna í áfangana sem kynntir eru hér að neðan. Saga 103 og 203 eru skylduáfangar sem allir á bóknámsbrautum  þurfa að taka en auk þess eru ýmsir aðrir áfangar í boði, ekki alltaf þeir sömu frá ári til árs. Í skylduáföngunum er Íslands- og mannkynssögu fléttað saman en það er nýjung samkvæmt aðalnámskrá framhaldsskóla sem tók gildi árið 2000. Í valáföngunum er aldrei að vita hvernig tekið er á málum. En sagan er alltaf skemmtileg, sama frá hvaða sjónarhorni við nálgumst hana, og þess vegna ættu allir að finna eitthvað áhugavert í krækjusafni deildarinnar. Góða skemmtun!