Félagsfræði

FÉL 103

Almenn félagsfræði

Markmið áfangans er að nemandinn átti sig á því hvernig samfélagið hefur áhrif á hann og hvernig hann getur haft áhrif á samfélagið.

Lögð er áhersla á að nemendur öðlist þekkingu á umhverfi sínu nær og fjær svo að þeir verði færir um að taka virkan þátt í samfélagslegum umræðum og mynda sér skoðanir á meðvitaðan og gagnrýninn hátt. Nemendur læra um menningu, félagsmótunaraðila, samfélagsgerðir, trúarbrögð, fjölskyldu, vinnumarkað og stjórnmál.

Námsáætlun

Kennari

Námsefni og verkefni á Blakki

Gamalt próf

efst á síðu

FÉL 203

Frumkvöðlar og kenningar

Undanfari: FÉL 103

Markmið áfangans er að nemandinn öðlist dýpri skilning á félagsfræðilegum hugökum og kenningum og geti beitt þeim við túlkun og greiningu á samfélaginu.

Nemendur eru þjálfaðir í að beita félagsfræðilegu innsæi. Fjallað er um kenningar Durkheims, Marx og Webers. Samfélagið er skoðað í ljósi samvirkni-, samskipta-, og átakakenninga. Fjallað er um táknræn samskipti, félagslega lagskiptingu, frávik, fjölmiðla og kynhlutverk.

Námsáætlun

Kennari

Námsefni og verkefni á WebCt

Gamalt próf

efst á síðu

FÉL 303

Stjórnmálafræði

Undanfari: FÉL 203

Markmið áfangans er að gera nemendur hæfari til þátttöku í lýðræðissamfélagi. Nemendur eiga að geta lagt gagnrýnið mat á átakaefni í íslenskum stjórnmálum og rökstutt matið.

Stjórnmálafræðin og helstu hugtök hennar eru kynnt. Nemendur læra að greina helstu hugmyndafræðistrauma og mismunandi stjórnkerfi. Þróun íslenskra stjórnmála er rakin og fjallað um tengsl flokka við helstu hugmyndakerfin.

Námsáætlun

Kennari

Námsefni og verkefni á WebCt

Gamalt próf

efst á síðu

FÉL 313

Félagsfræði þróunarlanda

Undanfari: FÉL 203

Markmið áfangans er að nemandinn geri sér grein fyrir þeim efnahagslegu- og félagslegu vandamálum sem ríki þriðja heimsins eiga við að etja og að hann geti lagt gagnrýnið mat á mismunandi hugmyndir um þróun og vanþróun.

Nemendur kynnast hugmyndum um skiptingu heimsins í þróuð lönd og vanþróuð. Þeir læra um um þau hugtök sem notuð eru um þróunarlönd og kynnast ólíkri merkingu þróunarhugtaksins. Þeir læra um menningu í þriðja heiminum og kynnast ólíkum kenningum um orsakir vanþróunar. Áhersla er lögð á að nemendur afli eigin upplýsinga og vinni úr þeim.

Námsáætlun

Kennari

Námsefni og verkefni á WebCt

Gamalt próf

efst á síðu

FÉL 403

Aðferðafræði

Undanfari: FÉL 303 eða 313.

(Taka má 303/313 samsíða 403)

Markmið áfangans er að auka skilning nemandans á rannsóknaraðferðum félagsfræðinnar þannig að hann verði fær um að beita þeim og meta rannsóknir sem tengjast félagsvísindum.

Nemendur eiga að verða færir um að þekkja tilgang félagsvísinda og kosti og galla mismunandi aðferða. Þeir kynnast ólíkum rannsóknaraðferðum og tengslum þeirra við mismunandi kenningar. Þeir læra um söfnun gagna, úrvinnslu þeirra og kynningu á þeim. Nemendur vinna rannsóknarverkefni og fá þjálfun í að beita eigindlegum og megindlegum aðferðum.

Námsáætlun

Kennari

Námsefni og verkefni á WebCt

Gamalt próf

efst á síðu

FÉL 503

Rannsóknarverkefni

Undanfari: FÉL 403

Markmið áfangans er að nemandinn verði hæfur til að vinna sjálfstæða rannsókn í félagsfræði og geti beitt öguðum vinnubrögðum og skrifað rannsóknarritgerð

Nemendur stunda sjálfstætt nám og bera sjálfir ábyrgð á framgangi vinnu sinnar. Þeir velja félagsfræðilegt viðfangsefni í samráði við kennara sem veitir nemendum leiðsögn. Í lok annarinnar skrifar nemandinn rannsóknarskýrslu og kynnir síðan rannsóknina á veggspjaldi, vefsíðu eða með fyrirlestri.

Námsáætlun

Kennari

Námsefni

Verkefni

efst á síðu