Sálfræði

Til baka á upphafssíðu

SÁL 103

SÁL 123

SÁL 203

INNGANGUR AÐ SÁLFRÆÐi:

SÁL103

Alltaf í boði

Fjallað er um viðfangsefni, aðferðir og stefnur sálfræðinnar. Vísindaleg vinnubrögð sálfræðinnar eru kynnt, bóklega og verklega. Síðan er fjallað um minni, minnistækni og ýmsar tegundir náms, einkum skilyrðingar. Auk þess kynnast nemendur leiðum sálfræðinnar til að fást við vandamál daglegs lífs.

HEILSU- OG ÞROSKASÁLFRÆÐI

SÁL123

Alltaf í boði fyrir nemendur í heilbrigðisskólanum

Þessi áfangi er sérhannaður fyrir starfsnám heilbrigðisskólans.Fjallað er um helstu streituvalda í nútímaþjóðfélagi og leiðir til að draga úr streitu. Í öðru lagi um eðli samskipta og leiðir til að bæta samskipti. Í þriðja lagi er fjallað um þroskaskeið mannsins einkum barnsaldurinn og elliárin. Í fjórða lagi afla nemendur sér upplýsinga í hópvinnu, um ýmis geðræn og sálræn vandamál og kynna þau fyrir öðrum í nemendahópnum.

ÞROSKASÁLFRÆÐI:

Alltaf í boði

SÁL 203 undanfari er SÁL 103

Kynning á þroskasálfræði, hugtökum, kenningum og helstu álitamálum. Fjallað um alhliða þroskaferil frá getnaði til gelgjuskeiðs, einkum líkams- og hreyfiþroska, vitsmuna- og málþroska, persónuleika- og félagsþroska. Mótunaráhrif fjölskyldu rædd, nemendur kanna eigin þroskasögu. Litið er á mótun kynhegðunar í gegnum samskipti við jafnaldra. Ýmis vandamál barna og unglinga skoðuð, svo og streituviðbrögð rædd í tengslum við skilnaði, ástvinamissi og fleira. Nemendur vinna einstaklingsverkefni (könnun á vitsmunaþroska barna) og hópverkefni ( viðfangsefnið tengist þroskaferli frá fæðingu til elliára - kynning á niðurstöðum í kennslustund) og ýmis smærri verkefni.

LÍFEÐLISLEG SÁLARFRÆÐI:

SÁL 213 undanfari er SÁL103

Í boði haustönn 2008

Farið er í gerð og starfsemi taugakerfis, einkum heila og taugafrumna. Hormónakerfið og tengsl hormóna við hegðun eru tekin fyrir. Skynjun, lífeðlislegar undirstöður hennar og hugræn úrvinnsla er til umfjöllunar, sem og skynvillur. Fjallað er um vitund og breytt vitundarstig svo sem: svefn, drauma, dagdrauma, dáleiðslu og vímu af völdum lyfja. Ef áhugi er fyrir hend má dýpka umfjöllun um annað hvort dulræna skynjun eða vímuefni, meðferð og forvarnir.

AFBRIGÐASÁLFRÆÐI

SÁL 303 undanfari er SÁL 203/213

Í boði haustönn 2008

Ítarlega er fjallað um einkenni streitu, áhrif á heilsu og streituþol. Nemendur meta eigin streitu og skoða leiðir til að draga úr neikvæðum áhrifum hennar. Hugtakið geðheilbrigði skoðað svo og forvarnir Í geðheilbrigðismálum. Nemendur fræðast um algengustu flokka geðrænna vandamála, orsakir þeirra, tíðni, einkenni og meðferð. Áhersla er á innsæi og skilning á aðstæðum geðfatlaðra. Nemendur kynna sér hvar hægt er að fá aðstoð við geðrænum vandamálum. Viðhorf nemenda rædd, með það fyrir augum að ýta undir virðingu, skilning og umburðarlyndi í garð geðfatlaðra. Nemendur vinna verkefni og ritgerð í tengslum við viðfangsefni áfangans. Áhersla er lögð á fjölbreytta notkun heimilda. Myndbönd og heimsóknir eru hluti af námsefni áfangans.

FÖTLUN, ÁFÖLL OG ÖLDRUN

SÁL 313 undanfari er SÁL 203/213

Í boði á vorönn 2009

Í fyrsta hluta er fjallað um fötlun og áhrif fötlunar á sjálfsmynd og líf einstaklingsins og fjölskyldu hans. Nemendur vinna mismunandi rannsóknarverkefni um aðstæður fatlaðra barna og fullorðinna á Íslandi. Í næsta hluta er fjallað um áföll, áfallastreitu, áfallahjálp, kreppu, kvíða og sorg. Hægt er að fá gesti í heimsókn, skoða blaðagreinar, kanna eigin kvíðaviðbrögð. Sérstaklega skal þó huga að gæðum samskipta. Í lok áfangans er viðfangsefnið öldrun og málefni aldraðra. Litið er á rannsóknir og kenningar um breytingar á skynjun, hugsun og heilsu með hækkandi aldri. Viðtal er tekið við eldri borgara.

Gamalt próf

GREIND, FÉLAGS- OG PERSÓNULEIKASÁLFRÆÐI

SÁL 403 undanfari er SÁL 303/313

Í boði vorönn 2009

Atferli, hugsanir og viðhorf skoðuð í félagslegu samhengi. Áhersla er lögð á virkni nemenda t.d. að þeir geri viðhorfakönnun, tilraun á staðalmyndum, hjálpsemi, hlýðni; æfi samskipti, greiningu á og beitingu líkamstjáningar. Mismunandi persónuleikakenningar eru skoðaðar. Álitamál og staðreyndir varðandi greind, vitsmunaþroska og greindarmælingar kynntar. Nemendur vinna ýmis verkefni eins og rökfærsluritgerð eða styttri greinargerð um afmörkuð efni. Markmiðið er að nemandi geti tekið sjálfstæða, vel rökstudda afstöðu til álitamála varðandi félagssálfræði, greind eða persónuleika.

Námsáætlun