UPP 103

Kynning á fræðigreininni uppeldis- og menntunarfræði. Hugtakið uppeldi er tekið til umræðu svo og gildi þess fyrir einstakling og samfélag. Lauslega er farið í þróun uppeldis og menntunar í Evrópu síðustu aldir. Hugmyndafræði og uppeldisaðferðir nokkurra þekktra uppeldisfræðinga eru skoðaðar. Ræddar eru sérstaklega þær aðferðir í uppeldi sem þykja æskilegar í nútímasamfélagi. Uppeldissvið til umfjöllunar eru a) samskipti (með áherslu á ég-boð, virka hlustun og samræður við lausn árekstra), b) leikir og c) listsköpun barna. Nemendur vinna umfangsmikið rannsóknarverkefni er varðar uppeldisaðstæður íslenskar barna. Áhersla er á þjálfun við skipulagningu, heimildaleit, úrvinnslu og kynningu (munnlega og skriflega).

Námsáætlun

Kennari

WebCt

efst á síðu

UPPELDISMÁL Á ÍSLANDI:

UPP 203 undanfari er UPP 103

Nemendu kynna sér markmið uppeldis á Íslandi og skipulagðar leiðir sem farnar eru að markmiðum. Skoðuð eru markmið leikskóla, grunnskóla og framhaldsskóla eins og þau koma fram í opinberum gögnum. Nemendur skoða hugmyndafræði, markmiðssetningu og skipulag valinna uppeldis- og/eða menntastofnana. Áhersla er á sjálfstæði nemenda og samvinnu við skipulagningu og upplýsingaleit. Kynning á niðurstöðum í kennslustund. Eftirfarandi áhrifaþættir eru einnig til umfjöllunar: kynhlutverk, áföll og sorg, skilnaður foreldra, einelti, líkamlegt, andlegt og kynferðislegt ofbeldi gagnvart börnum. Kennarar velja hvaða áhrifaþættir verða teknir til umfjöllunar.

Námsáætlun

Kennari

Námsefni

Verkefni

efst á síðu

UPPELDISAÐSTÆÐUR, VERKEFNAÁFANGI:

UPP 303 undanfari er UPP 203

Í þessum áfanga vinna nemendur að einu eða tveimur rannsóknarverkefnum eða þemum er varða uppeldisaðstæður íslenskra barna. Viðfangsefnin geta t.d. verið fötluð börn, unglingar eða barnaefni í fjölmiðulum. Einnig er hægt að dýpka skilning á efnisþáttum sem hafa verið til umfjöllunar í fyrri áföngum í uppeldisfræði. Nemendur geta valið í sameiningu eitt þema eða rannsóknarverkefni og unnið síðan í smærri hópum að afmörkuðum þáttum verkefnisins. Einnig geta nemendur unnið að ólíkum verkefnum og hóparnir geta verið misstórir eftir umfangi viðfangsefnisins. Mikilvægt er að nemendur komi með hugmyndir að viðfangsefnum og áhugi stýri vali þeirra. Nemendur bera ábyrgð á verkefnavinnu sinni. Áhersla er lögð á leiðsögn við meðferð og úrvinnslu gagna sem nemendur afla. Nemendur velja þann tjáningarmáta sem þeim þykir henta best til að sýna hvað hefur lærst. Við mat á niðurstöðum skal kennari taka mið af vinnuferli en ekki eingöngu lokaniðurstöðu.

Námsáætlun

Kennari

Námsefni

Verkefni

efst á síðu