Framhaldsskólabraut
Framhaldsskólabraut er fyrir nemendur sem stefna ekki á stúdentspróf.
Lögð er mikil áhersla á samstarf heimila og skóla. Brautarstjórn fundar með nemendum og foreldrum fyrir upphaf skóla að hausti þar sem nemendum og foreldrum gefst tækifæri til að endurskoða val á námsáföngum.
Lögð er rík áhersla á að finna sterkar hliðar nemendanna og áhugasvið.
Nemendur útskrifast af brautinni með framhaldsskólapróf eftir 60 til 90 eininga nám.
Nemendur á framhaldsskólabraut sem eru í vinnu með námi eiga kost á að fá þá vinnu metna til eininga. Þeir sem ekki eru í vinnu eiga kost á starfsþjálfun sem metin verður til eininga.
Námið skiptist í kjarna og frjálst val.
Kjarninn er skylda fyrir alla nemendur brautarinnar. Eldri nemendur skólans sem óska eftir að útskrifast með framhaldsskólapróf geta þó fengið sambærilega áfanga metna í stað í áfanganna í kjarna.
Annað val er frjálst þannig að nemandi velur það sem hann kýs af námsáföngum skólans.
| Kjarni | Áfangi | Einingar |
|---|---|---|
| Íslenska | ÍSL193 | 3 |
| Enska | ENS193 | 3 |
| Stærðfræði | STÆ093 / STÆ193 | 3 |
| Listsköpun | SKÖ103 | 3 |
| Sagnfræði | SAG193 | 3 |
| Sálfræði | SÁL193 | 3 |
| Náttúrulæsi | NÁT193 | 3 |
| Fjármálalæsi | FJÁ193 | 3 |
| Lífsleikni | LKN103 | 3 |
| Íþróttir | 4 | |
| Kjarni alls: | 31 | |
| Frjálst val | ||
| Nemendur mega velja hvað sem er af námsáföngum sem FÁ býður upp á til að fylla upp í tilskilinn einingafjölda til að útskrifast með framhaldsskólapróf. Mat á öðru námi kemur einnig til greina. Sé nemandi í vinnu meðfram námi kemur til greina að meta hana til eininga eftir ákveðnum reglum sem skólinn setur. | ||
| Frjálst val alls: | 29 | |
| Alls á braut: | 60-90 | |