Það var gleðidagur hjá Sérnámsbrautinni í morgun. Þangað komu góðir gestir til þess að afhenda brautinni skynörvunarbúnað handa fjölfötluðum nemendum.Það er Sunnusjóður sem gefur þessa góðu gjöf.

Fremst í flokki fríðra gesta var sjálfur menntamálaráðherrann og formaður Vinstri Grænna, hún Katrín Jakobsdóttir. Var gestunum vel fagnað af nemendum Sérnámsbrautarinnar og létu þeir sig hafa það að hlusta á Halldór Gísla Bjarnason, kennslustjóra flytja þakkarræðu til gestanna og svo voru tvær ræður í viðbót.