MEGINMARKMIÐ
Námið á sérnámsbraut er einkum ætlað nemendum sem hafa fengið verulega sérkennslu í grunnskóla og verið í sérdeild eða sérskóla. Nemendur eiga kost á allt að fjögurra ára framhaldsnámi í FÁ að loknu grunnskólanámi.
Hlutverk og markmið brautarinnar er að nemendur fái tækifæri til að stunda nám við hæfi innan félagsheildar fjölbrautaskóla, til að viðhalda og auka þekkingu sína og færni til að takast á við viðfangsefni daglegs lífs. Lögð er áhersla á að nemendur á brautinni einangrist ekki heldur séu þeir hluti af skólaheildinni.
Íslenska / mál og boðskipti
Að nemandi geti lesið sér til gagns og gamans
Að nemandi geti tjáð sig á skiljanlegan hátt og hlustað á aðra flytja mál sitt
Að nemandi geti ritað og stafsett mismunandi texta
Að nemandi þekki nokkur málfræðihugtök og geti beitt þeim í töluðu og rituðu máli
Að nemandi verði fær um að tjá hugsanir sínar og langanir
Að nemandi auki málþroska sinn, þ.e. málskilning, tal og/eða aðra tjáningu
Að nemandi noti aðrar óhefðbundnar tjáskiptaleiðir
STÆRÐFRÆÐI
Að nemandi kunni hluta af stærðfræði daglegs lífs og verði fær um að beita þeirri kunnáttu í daglegum störfum.
ÍÞRÓTTIR
Að nemandi efli líkamsfærni og þol og verði um leið meðvitaður um mikilvægi reglubundinnar hreyfingar og líkamsræktar
Að nemandi haldi við og/eða auki úthald, styrk, liðleika og samhæfingu
HEILBRIGÐISFRÆÐI
Að nemandi þekki helstu hreinlætiskröfur og geti sýnt hreinlæti og snyrtimennsku í verki
Að nemandi öðlist góða líkamsvitund, upplifi og fræðist um uppbyggingu og starfsemi líkamans
Að nemandi verði meðvitaður um kynþroska, kynheilbrigði og kynferðislega ábyrgð
Að nemandi fræðist um holla næringu
Að nemandi fræðist um skynfæri sín
Að nemandi fái örvun á mismunandi svæðum líkamans með nuddi
LANDAFRÆÐI
Að nemandi fræðist um umhverfið, veröldina sem við lifum í, sögu hennar, mismunandi félagslegar aðstæður og menningarlegt umhverfi
SAGNFRÆÐI
Að nemandi þekki sögu íslenska lýðveldisins, form þess og gerð, helstu tákn og lykilpersónur bæði fyrr og nú
Að nemandi fræðist um hluta úr sögu íslenska lýðveldisins
LIFSLEIKNINÁM
Að nemandi stundi nám í almennum lífsleikniáfanga og tileinki sér kunnáttu og færni í þeim áfanga
Að nemandi verði öruggari innan veggja skólans og þekki þá þjónustu sem þar er boðið upp á
Að nemandi fái innsýn í störf á hæfingarstöðum, á vernduðum vinnustöðum og í völdum fyrirtækjum á almennum vinnumarkaði
Að nemandi geti farið sjálfur í og úr skóla fótgangandi, á hjóli eða með almenningsvögnum
Að nemandi sé sem best undirbúinn til að takast á við bóklegan hluta ökuprófs
Að nemandi öðlist sem mesta færni og öryggi við athafnir daglegs lífs
Að nemandi geti látið í ljós hvaða tómstundir höfða til hans
Að nemandi geti valið sér viðfangsefni sem varða tómstundir hans
Að nemandi þekki helstu umferðarreglur gangandi vegfarenda
HEIMILISFRÆÐI
Að nemandi þekki helstu hreinlætiskröfur og geti sýnt hreinlæti og snyrtimennsku í verki
Að nemandi þekki ákveðin tæki og áhöld og geti notað þau rétt
Að nemandi geti séð um og tekið þátt í heimilisstörfum, eldamennsku og borðhaldi
Að nemandi þekki hugtökin umhverfisvernd og endurnýting og geti tileinkað sér þau í verki
Að nemandi geri sér grein fyrir að heilbrigðar lífsvenjur eru undirstaða góðrar heilsu
Að nemandi fræðist um nokkrar hreinlætiskröfur
Að nemandi þekki/fræðist um ákveðin tæki og áhöld og geti notað þau
Að nemandi fræðist um hollar lífsvenjur hvað varðar næringu og drykk
ENSKA
Að nemandi geti tekið þátt í umræðum um kunnugleg málefni og tjáð sig á viðeigandi hátt eftir aðstæðum
Að nemandi geti hlustað á og skilið meginatriði talaðs máls
Að nemandi skilji algeng orð og orðasambönd í töluðu og rituðu máli
Að nemandi geti skrifað ýmsar gerðir texta á hnökralausu máli
Að nemandi geti tjáð sig lítillega á ensku
UPPLÝSINGA- OG TÆKNIMENNT
Að nemandi geti nýtt tölvu og nokkra möguleika sem hún hefur upp á að bjóða sér til gagns og/eða ánægju
Að nemandi geti notað fylgihluti, rofa og hluti tengda þeim til að stjórna orsök og afleiðingu
NÁTTÚRUFRÆÐI
Að nemandi fræðist um íslenska náttúru
MYNDMENNT
Að nemandi fái tækifæri til að uppgötva og þroska hæfileika sína til sköpunar
Að nemandi noti mismunandi efni
Að nemandi tjái sig á mismunandi hátt í fjölbreyttum verkefnum
Að nemandi túlki hugmyndir í listaverkum
Að nemandi þekki form og liti
Að nemandi skoði ólík listaverk
TÓNLANDAFRÆÐI
Að nemandi hlusti á fjölbreytta gerð tónlistar og fræðist um leið um land, tónskáld og tónlist frá ýmsum löndum og tímum