Köku- og kaffisala til styrktar góðu málefni
Fjölbrautaskólinn við Ármúla safnar fyrir byggingu skóla í Pakistan. Í hádegishléinu á fimmtudag verður söfnunarnefndin með sölu á kökum og kaffi.
Þeir sem ekki hafa áhuga á veitingum en vilja styrkja málefnið geta stungið sem nemur andvirði kaffibolla eða köku í söfnunarbauk sem verður á staðnum.
Markmið nefndarinnar er að safna fyrir byggingu 200 barna skóla með öllu því sem til þarf. Ef nemendur Fjölbrautaskólans við Ármúla, sem eru rúmlega 1000, gefa andvirði kaffibolla og kleinu á viku í söfnunina þá verður markmiðinu fljótt náð.
Legðu málefninu lið með því að kaupa þér hressingu í hádeginu!
Einnig er hægt að leggja inn á reikning skólans:
Kt. 590182-0959
Banki: 1195-26
Reikningur 358
Allar hugmyndir og aðstoð varðandi söfnunina eru vel þegnar.
Harpa n16058371@fa.is
Sara n07108053@fa.is
Karlotta n14017955@fa.is