Útskrift frá Fjölbrautaskólanum við Ármúla fór fram í Háskólabíói föstudag 19. desember. 129 nemendur voru útskrifaðir, þar af þrír af tveim brautum. Í upphafi söng kór skólans nokkur jólalög. Aðstoðarskólameistari fór síðan yfir starfsemi skólans á önninni áður en skólameistari afhenti prófskírteini. Lesa meira

Í byrjun haustannar var sett upp aðgangshlið til að stjórna aðgangi að bílastæðum skólans. Samhliða setti skólinn sér samgöngustefnu, sem felur í sér hvatningu til starfsmanna að nota annan samgöngumáta, og nemendum var gefinn kostur á að leigja bílastæði.

Reynslan hefur verið góð. Rúmlega fjórðungur starfsmanna valdi að skilja bíl sinn eftir heima, koma gangandi, hjólandi, á vespu eða með strætisvagni. 145 nemendur sóttu um stæði í upphafi haustannar og fengu 102 nemendur úthlutað stæðum.

Umgengi hefur stórbatnað og aldrei hefur þurft að láta fjarlægja bíl, sem ólöglega hefur verið lagt.

Þetta skipti sér í lagi nemendur okkar á starfsbrautum máli, sem eru í hjólastól og keyrðir og sóttir í skólann.

Í ljósi reynslunnar var ákveðið að bjóða þeim nemendum sem fengu stæði á haustönn að halda því á komandi vorönn. Greiðsluseðlar hafa verið sendir út og nægir að greiða til að staðfesta leiguna. Til viðbótar verður líklega um 50 stæðum úthlutað í byrjun annar og geta nemendur sótt um bílastæði í tölvupósti (fa@fa.is) eða skráð sig á skrifstofu skólans.

Aðgangshliðið verður opið á próftíma.

Lesa meira