Fréttir
Skólabyrjun í janúar 2010
Opnað verður fyrir stundatöflur nemenda sunnudaginn 3. janúar 2010.
Lykilorð verða send í tölvupósti
. Sömu aðgangsorð eru í gildi og á síðustu önn.
Nemendur sem eru ekki skráðir með netfang geta sótt aðgangsorð sín á skrifstofu skólans eftir helgi.
Starfsmannafundur verður mánudaginn 4. janúar kl. 10.00.
Töflubreytingar verða 4. janúar kl. 12–15 og 5. janúar kl. 10 – 15.
Kennsla hefst samkvæmt stundaskrá miðvikudaginn 6. janúar.
Farsælt nýtt ár.
Útskrift frá Fjölbrautaskólanum við Ármúla
Útskrift frá Fjölbrautaskólanum við Ármúla fór fram 19. desember. Athöfnin fór fram að þessu sinni í Digraneskirkju. 107 nemendur voru útskrifaðir, þar af tveir af tveim brautum. Meðtaldir eru þeir nemendur sem luku námi í ágúst.
Aðstoðarskólameistari, Ólafur H. Sigurjónsson, fór yfir starfsemi skólans á önninni. Í máli sínu ræddi hann m.a. um ný framhaldsskólalög sem gefa kennurum og skólafólki tækifæri til að skipleggja námsgreinar og námsbrautir. Einnig benti hann á að nú styttist í að nýbygging skólans verði tekin í gagnið. Gert er ráð fyrir að salur og eldhús verði tilbúin næsta haust. Við það verður allur aðbúnaður nemenda umtalsvert betri en áður hefur verið. Útskrift nemenda eftir brautum var eftirfarandi:
Lesa meiraAnnarlok
16. desember kl.11:00 til 14:00: Prófasýning og frágangur á vali fyrir vorönn
17. desember kl. 8:30: Endurtektarpróf
18. desember kl. 16:30 æfing fyrir brautskráningu í Digraneskirkju (skyldumæting)
19. desember kl. 14:00 brautskráning í Digraneskirkju, Nemendur komi kl. 13:30
Afhending einkunna: nemendur geta nálgast einkunnir í INNU 16. desember.
Tilnefning til Hvatningarverðlauna ÖBÍ
Fjölbrautaskólinn við Ármúla tilnefndur til hvatningarverðlauna Öryrkjabandalags Íslands
Verðlaunaafhendingin fór fram við hátíðlega athöfn í Salnum í Kópavogi þann 
3. desember á alþjóðadegi fatlaðra. Eftirtaldir voru tilnefndir:
Í flokki einstaklinga
- Edda Heiðrún Backman, fyrir mikinn styrk, kjark og áræðni í að bæta aðstöðu sjúkra og fatlaðra, m.a. með söfnunarátakinu „Á rás fyrir Grensás“.
- Margrét Dagmar Ericsdóttir, fyrir frumkvöðlastarf í innleiðslu kennsluaðferða fyrir einhverfa og framleiðslu heimildamyndarinnar Sólskinsdrengurinn.
- Þröstur Guðjónsson, fyrir frumkvöðlastarf sitt í að útbreiða skíðaiðkun meðal fatlaðra.
Í flokki fyrirtækja
- Dagvist og endurhæfing MS, fyrir mikið og óeigingjarnt starf í þágu skjólstæðinga sinna.
- Reykjalundur – endurhæfingarsvið, fyrir uppbyggingu endurhæfingar fyrir fatlaða svo að þeir öðlist getu til þátttöku í þjóðfélaginu á ný.
- SÍBS – Samband íslenskra berkla- og brjóstholssjúklinga, fyrir fyrirmyndaraðgengi við SÍBS-húsið, Síðumúla 6.
Í flokki stofnana
- Fjölbrautaskólinn við Ármúla – sérnámsbraut, fyrir metnað og alúð við að byggja upp sérnámsbraut fyrir alvarlega fötluð ungmenni á framhaldsskólaaldri.
- Hitt húsið, fyrir fjölbreytt og vandað starf fyrir ungt fólk með fötlun.
- Öskjuhlíðarskóli, fyrir að gera nemendur hæfa til þátttöku í samfélaginu á sem flestum sviðum eftir því sem geta þeirra leyfir.
- Verðlaun hlutu Edda Heiðrún Backmann, SÍBS og Öskjuhlíðarskóli.