Fréttir
Kosningar í nemendafélagið - NFFÁ
Miðvikuda
g 28. apríl verða kosningar í NFFÁ. Allir sem hafa greitt félagsgjöld í félagið hafa atkvæðarétt. Barátta er um ritara- og formannssætið. Nemendur skólans, jafnt hinir yngri sem eldri, eru hvattir til að nota atkvæði sitt til að kjósa það fólk sem þeir treysta best í nemendafélagið. Gott félagslíf er allra hagur.
Kosningarnar hefjast klukkan 9 á Steypunni.
Lesa meiraÚtskriftarhópur kveður
Útskriftarefni sem útskrifast frá FÁ í vor komu saman í morgun og kvöddu skólann sinn. Stúdentsefnin voru áberandi í rauðum nautabanafötum og slógu um sig með spænskum hrópum. Skólinn var fallega skreyttur í stíl við fatnaðinn og skapaðist sannkölluð spænsk stemning á Steypunni. Þorvarður Kristjánsson flutti ræðu í byrjun dagskrár. Síðan samkvæmt venju voru hinir ýmsu kennarar og starfsmenn kallaðir á svið og fengu þeir blóm, koss og borða frá hópnum. Í útskriftarvideó var m.a. gert góðlátlegt grín að raunum „eilífðarstúdents“ í skóla- og félagslífi FÁ. (Videó má sjá hér.) (Hér má einnig sjá myndir.)
Lesa meira
Mætum í bleiku á jafnréttisdaginn
Jafnréttisdagurinn í Ármúlaskóla verður haldinn í annað skiptið á morgun föstudaginn 16.apríl og eru allir hvattir til að mæta í bleikum klæðnaði og ræða jafnréttismál innan sem utan kennslustunda. Margrét Steinarsdóttir framkvæmdastjóri Mannréttindaskrifstofu Íslands heldur stutt erindi um mansal í kaffitímanum kl. 9.55. Þar verður því m.a. svarað hver tengslin séu á milli mansals og súlustaða.
Opinn málfundur um þetta mál og önnur jafnréttismál hefst síðan klukkan 10.25.
Lesa meiraFrumsýning á leikritinu Einu sinni var....
Frumsýning á leikritinu Einu sinni var.... verður 14. apríl kl. 20:30 á Steypunni í Fjölbrautaskólanum við Ármúla.
Hér er klassísk ævintýrasaga færð í nýjan búning sem inniheldur leik, dans og söng. Regína Ína er saklaus sveitastúlka sem ákveður að hefja nýtt líf með því að flytja í borgina og leitar athvarfs hjá Guddu frænku sinni. Lífið er enginn dans á rósum en það breytist í borginni þar sem ævintýrin gerast enn.
Sýningar: 
14. apríl kl. 20:30
15. apríl kl. 20:00 og 22:00
Verð: 500 kr. (16 ára og yngri greiða ekkert)
ÍÞR141- Hrómundartindur á laugardag
Þriðja ganga útivistahópsins verður næsta laugardag. Gengið verður á Hrómundartind sem er hæsta fjall í Grafningi að Hengli og Ingólfsfjalli undanskildu. Gengið verður frá Ölkelduhálsi sem er í um 400 metra hæð og komið við á Tjarnarhnúk og Lakahnúk áður en gengið verður upp á Hrómundartind (520 m). Á leiðinni til baka verður gengið upp Tindagil. Áætluð vegalengd er um 8 km. Veðurspá fyrir laugardag er góð og verður vafalaust fallegt útsýni af tindinum.
Kynningarfundur fyrir ferðina verður í hádeginu miðvikudag í stofu M26.
Lesa meiraStomp á Steypunni í tilefni umhverfisviku
Í hádeginu á þriðjudag ætlar trommarinn úr hljómsveitinni Hraun að halda uppi léttum leik á Steypunni þar sem útbúin eru hljóðfæri úr allskyns sorpi. Hver veit nema kennarar skólans „stompi“ með? 
Á mánudag hófst umhverfisvika í skólanum þar sem athygli fólks er vakin á „grænum“ lífsstíl. Á Steypunni eru kynningarbásar þar sem m.a. eru kynntar vistvænar vörur og endurvinnsla útskýrð. Til hliðar við Steypuna er fatamarkaður og rennur allur ágóði til Mæðrastyrknefndar.
Lesa meiraBoðið til Bandaríkjanna fyrir góðan árangur í ræðukeppni
Í lok febrúar fór fram á ensku ræðukeppni ungmenna á aldrinum 16-20 ára. Þetta er í fyrsta sinn sem keppni af þessu tagi er haldin á Íslandi. Að henni stóðu ESU, The English-Speaking Union of Iceland, í samvinnu við sendiráð enskumælandi landa á Íslandi og FEKÍ, Félags enskukennara á Íslandi.
Í framhaldi af keppninni var Snæfríði boðið á sumarnámskeið í Bandaríkjunum.
Lesa meira