Fjölbrautaskólinn við Ármúla - Jafnréttissíða

Miðvikudagur 30. janúar 2013

Mon, 4 Feb 2013 10:57:00 +0000

Stuttmyndin Fáðu já var frumsýnd í framhaldsskólum landsins en markmið hennar er að skýra mörkin milli kynlífs og ofbeldis og vega upp á móti áhrifum kláms og klámvæðingar. Myndin var sýnd í öllum kennslustundum klukkan 10:15-11:00 og svo aftur inn á sal skólans í hádegishléi.

Föstudagur 2. nóvember 2012

Thu, 8 Nov 2012 09:57:00 +0000

Fyrir ári síðan settu skólayfirvöld sér það markmið að breyta ásýnd kennara-/starfsmannafunda og jafna kynhlutfall frummælanda. Þegar kynjahlutföllin voru athuguð fyrir ári reyndust kvenkyns frummælendur eingöngu 20% (skoðað eitt ár aftur í tímann) en þegar staðan var athuguð eftir fundin í dag (eitt ár aftur í tíman) reyndist hlutfallið 53%.

Föstudagur 12. október 2012

Mon, 15 Oct 2012 15:43:00 +0000

Drög að jafnréttisáæltun Fjölbrautaskólans við Ármúla var kynnt á starfsmanna fundi. Óskað var eftir athugasemdum við áæltunina en hún verður leidd til samþykktar á næsta fundi. Mikil áhersla var lögð á það að fundnir yrðu fulltrúar í jafnréttisnefnd skólans sem telur fimm einstaklinga. Sjá nánar hér.

Mánudagur 16. apríl 2012

Tue, 2 Oct 2012 12:46:00 +0000

Jafnréttisdagur var haldinn í fjórða skipti. Auglýst dagskrá hófst klukkan 9 með fundi jafnréttisfulltrúa sem ræddu saman um gerð jafnréttisáætlana en í framhaldi af fundinum var kynning á mannréttindaáfanga skólans, sem kenndur var í fyrsta skipti á vorönn 2012 þar sem nemendur hans fluttu fyrirlestur. Hjálmar Sigmarsson frá Jafnréttisstofu flutti svo fyrirlestur sem bar yfirskriftina, "Skiptir kyn máli? - Jafnréttismál og kynjafræði" en skólinn áformar að kenna kynjafræði í fyrstaskipti á haustönn 2012. Fyrirlestur Hjálmars má sjá í heild sinni hér.

Fimmtudagur 22. mars 2012

Fri, 23 Mar 2012 15:56:00 +0000

Hildur Lilliendahl hélt fyrirlestur á forvarnardegi Fjölbrautaskólans við Ármúla sem heitið Karlar sem hata konur. Hildur lærði kynjafræði í Háskóla Íslands og hóf fyrir mánuði söfnun illra ummæla um konar sem finna má á Netinu. Ummælin eru lýsandi fyrir kvennfyrirlitningu og birtast m.a. á bloggsíðum, vefmiðlum. Ummælin gera lítið úr kynferðisofbeldis og hlutgera konur út frá kynferði. Hildur nefndi ýmis dæmi máli sínu til stuðnings. Mjög sterkt net kvenna styður Hildur í þessari baráttur, jafnvel vinkonur þekktra glæpamanna. Karlar sem elska konur er jafnframt stuðningssíða karla við baráttu Hildar. Þar má finna ummæli sem eru jákvæð í garð kvenna en Natan Kolbeinsson formaður nemandafélags Fjölbrautskólans við Ármúla er stofnandi síðunnar. Hildur opnaði fyrir umræður.

Föstudagur 2. mars 2012

Thu, 22 Mar 2012 09:32:00 +0000

Hanna Björk Vilhjálmsdóttir kynnti á Árdögum áfanga sem hún hefur þróað og fjallar sérstaklega um jafnrétti og kynjafræði. Fyrirlesturinn bar heitið „Klámvæðing og kynlíf“. Klámvæðing er heiti á því menningarferli þegar klám og hlutverk, myndmál, táknmyndir og orðfæri úr klámi smeygja sér inn í okkar daglega líf sem normaliserað, samþykkt og jafnvel dáð menningarlegt fyrirbæri. Klámvæðingin hefur gert kynlíf að markaðsvöru.

Miðvikudagur 15. febrúar 2012

Wed, 15 Feb 2012 15:22:00 +0000

Haldinn var skólafundur þar sem ljúka átti námskrárvinnunni. Fundurinn var hugsaður sem lokatækifæri til að koma athugasemdum á framfæri. Greiða átti atkvæði um nýju námskrána. Einn hópur fjallaði um jafnréttisstefnuna eða þann hluta hennar sem er í skólanámsskrá. Það kom fram að hópmeðlimir voru almennt ósátti við þá áherslu sem er á jafnrétti kynjanna . Stuðla skal að jöfnum réttri allra! Sjá nánar hvernig þetta er orðað í skólanámsskrá:

Föstudagur 10. febrúar 2012

Fri, 10 Feb 2012 11:01:00 +0000

Fulltrúar frá Jafnréttisstofu hafa lesið yfir kafla í jafnréttisáætlun skólans sem ber heitið Launajafnrétti og samþykkt án athugasemda. Vinsamlegast kynnið ykkur efni kaflans og sendi jafnréttisfulltrúa póst ef þið hafið athugasemdir, robert@fa.is.

Föstudagur 3. febrúar 2012

Fri, 3 Feb 2012 15:22:00 +0000

Í dag var haldinn kennarafundur þar sem eingöngu konur tóku til máls. Frá því að mælingar hófust 18. nóvember 2011 hafa 6 konur og 6 karlar verið á frummælendaskrá. Áður var þátttaka kvenna 20%.

Þriðjudagur 31. janúar 2012

Tue, 31 Jan 2012 10:52:00 +0000

Svar barst frá skólayfirvöld við spurningunni frá því í gær þar sem koma fram að nemendur höfðu spurt eftir því hvort kenna ætti áfanga í kynjafræðum. Leitað hafi verið til kennara sem ekki treyst sér ekki einn í að stofna áfangan. Í bréfi til Þórðar jafnréttisfulltrúa Kvennaskólans kom fram að séráfangi í kynjafræðum hefur verið kenndur sem val og hlotið góðar viðtökur, jafnvel slíkar að beðið hafi verið um að áfanginn skyldi færður í kjarna. Kvennaskólinn er með inngangsáfanga á félagsfræðibraut þar sem kynjafræði er tekin fyrir . Rætt við Hannes Ísberg kennslustjóra á félagsfræðibraut sem benti á þann möguleika að uppfylla markmiðin um að "nemendur í framhaldsskólum skulu hljóta fræðslu um jafnréttismál" með því að koma inn í fél103 sem er skylda á öllum brautum.

Mánudagur 30. janúar 2012

Mon, 30 Jan 2012 10:06:00 +0000

Verið er að vinna við gerð jafnréttisáætlunar. Í dag er verið að kanna hvort FÁ eigi að bjóða upp sér áfanga í kynjafræðum til að uppfylla lagaskyldur sínar gagnvart jafnréttislögum. Jafnréttislög segja að "nemendur í framhaldsskólum skulu hljóta fræðslu um jafnréttismál." Eftirfarandi bréf var sent til skólayfirvalda:

Þriðjudagur 1. nóvember 2011

Tue, 1 Nov 2011 13:35:00 +0000

Hlutfall kvenna í yfirstjórn skólans jókst úr 20% í 40% þegar Guðrún Narfadóttir tók við stöðu áfangastjóra í dag. Óskum henni til hamingju með nýja starfi.

Föstudagur, 28. okt. 2011

Fri, 28 Oct 2011 12:27:00 +0000

Verið er að uppfæra jafnréttisáætlun Fjölbrautaskólans við Ármúla til samræmis við jafnréttislög frá 2008. Eitt af því sem lögin kveða á um er að stofnanir vinni markvisst að framgangi jafnréttismála m.a. með tölulegri markmiðasetningu og eftirfylgni.

Fjölbrautaskólinn við Ármúla er stór vinnustaður með fjölbreytta starfsemi sem hefur oft og tíðum beina skírkotunn til jafnréttis. Nægir þar að benda á störf sérdeildar, forvarnarfulltrúa svo fátt eitt sé talið. Fulltrúar og stjórnendur skólans voru beðnir um að koma með hugmyndir að hlutum, viðburðum, aðgerðum eða öðru sem stuðlað gæti að auknu jafnrétti í skólanum. Niðurstöður voru skráðar í Bleiku peruna sem er hugmyndabanki jafnréttisráðs. Næsta skref er að vinna úr þessum hugmyndum töluleg markmið og leiðum til að fylgja eftir.

Jafnréttissíða

Mon, 26 Sep 2011 15:09:00 +0000

N/A

Þriðjudaginn 12. apríl 2011

Tue, 17 May 2011 08:33:27 +0000

Unnið að endurskoðun 18-23 greinar jafnréttislaga og aðalnámsskrá Fjölbrautaskólans við Ármúla og tillaga að úrbótum kynntar. Sjá hér.

Þriðjudagurinn 5. apríl 2011

Tue, 17 May 2011 08:32:18 +0000

Ég var að spá í hvort það væri í lagi að ég stefndi á að hafa Jafnréttisdaginn í skólanum miðvikudaginn 27. apríl (eftir páska)? Er að vonast til að ég geti fengið salinn og fengið fyrirlesara til að vera frá 10:15-12:50. Ég er með stjórnmálafræðina og fjölmiðlafræðina í tímum þarna og ég fengi þau til að hjálpa mér við skipulagningu. Fyrirlestur klukkan 12 væri svo sá fyrirlestur (eða umræða) sem væri hvað opnastur.

Þriðjudagurinn 5. apríl 2011

Tue, 17 May 2011 08:10:22 +0000

Á kennarafundinum 25. Febrúar var sagt: „Í lokin var rætt um ákvæði um jafnrétti kynjanna er kemur að stöðuveitingum og launamálum innan skólans og vorum sammála um að beina því til jafnréttisfulltrúa skólans að hann afli upplýsinga um stöðu þeirra mála og kynni niðurstöður úttektarinnar á fundi. Enda segir í áætluninni:

„Árlega gerir jafnréttisfulltrúi grein fyrir hvort jafnréttisstefnunni hefur verið framfylgt og gerir athugasemdir þegar þurfa þykir.““

Brugðist var við þessu að hluta á kennarafélagsfundi þar sem eftirfarandi upplýsingar komu fram um launakjör kennara:

Föstudagurinn 25. mars 2011

Tue, 17 May 2011 08:08:50 +0000

Annað svar barst við spurningunni frá 11. mars 2011 á kennarafundi en það er yfirlýsing Steinnar Hafstað um að kennsla á sumarönninni verði skipt á milli kennara. Enginn fjarnámsáfangi sé eign kennara og skulu kennslustjórar í hverri grein hafa milligöngu um það. Orðrétt tilvísun er eitthvað á þessa leið:

Deildir þurfa að koma sér saman um hverjir kenna áfangana í samráði við fjarnámsstjóra. Það er ekki sjálfgefið að sömu kennararnir kenni alltaf sömu áfangana.

Miðvikudagurinn 23. mars 2011

Tue, 17 May 2011 08:07:40 +0000

Hér má finna samskipti við Jónu Pálsdóttur deildastjóra hjá menntamálaráðuneytinu sem kveða meðal annars á um það að endurskoða þurfi jafnréttisáætlunina með tillit til nýrra laga.

Sæll Róbert

Kærar þakkir. Í raun og veru fer best á að hafa jafnréttisáætlun við hliðina á starfsmannastefnu og hafa hana ofarlega og aðgengilega á vefnum. FVN er með stefnu sem er algjörlega í samræmi við lögin og mér sýnist hún vel unnin. Hún er hér: http://fnv.is/jafnrettisaaetlun-fnv

Mánudagurinn 14 mars 2011

Tue, 17 May 2011 08:04:05 +0000

Svar barst við fyrirspurn 11. mars 2011.

„Sæll Róbert

Eins og þú veist hefur það verið svo að þeir sem kenna fjölmenna áfanga í fjarnámi fá laun í samræmi við það.

Ég er talsmaður þess að slíkum hópum sé dreift á fleiri kennara (fá fleiri kennara til að kenna sama áfangann).

Nú er það svo að þetta fjöldaviðmið gildir ekki eingöngu í fjarnámi, við höfum neyðst til að fella niður fámenna áfanga í dagskóla.

Ég mun beita mér fyrir því að þeir sem vilja kenna í sumar geti fengið það ef kennslugreinar viðkomandi verða í boði í fjarnámi.

Við getum auðvitað ekki gert við því ef kennslugrein er ekki í boði, það á líka við í dagskóla eins og áður segir.

Kveðja

Ólafur“

Föstudagurinn 11. mars 2011

Tue, 17 May 2011 08:03:01 +0000

Á kennarafundi 11.mars kynnti Ólafur H Ólafsson aðstoðarskólameistari þá hugmynd að fjarnám yrði kennt sumarið 2011. Eftirfarandi fyrirspurn var send til skólastjórnenda:

Sæll Ólafur

Hvaða áhrif mun sumarönn fjarnámsins 2011 hafa á launajöfnuð innan skólans? Hvað mun sumarönnin kosta og hvaða áhrif mun hún hafa á rekstrarafkomuna. Miða við þá kostnaðarútreikninga sem þú nefndir, þá verður einungis boðið upp á „stóru áfangana“ þ.e.a.s þá sem telja fleiri nemendur en 28. Af hverju eru þeir svona ódýrir? Hefur verið kannað hvaða áfangar það séu sem munu verða kenndir miða við reynslu síðustu anna?Hefur verið slegið á það hvaða launalegu áhrif þetta mun hafa á þá sem háar hafa tekjur hér innan skólans og þá sem bera minna úr bítum?

Bestu kveðjur

Róbert Ferdinandsson

Jafnréttisfulltrúi

Föstudagurinn 25. febrúar 2011

Tue, 17 May 2011 08:00:07 +0000

Rætt var um á kennarafundi að kennarar óskuðu eftir meiri upplýsingum frá jafnréttisfulltrúa og kannaður yrði almennur launjöfnuður innan skólans frekar heldur en kynbundinn launamunur. Niðurstöðurnar voru þessar:

3. Jafnréttisstefna skólans

Jafnréttisstefna/jafnréttisáætlun hefur verið til fyrir skólann frá árinu 2007 og er aðgengileg á heimasíðunni:

/ritstjorn/namskra/jafnretti/jafnretti2007.htm

Þriðjudagurinn 19. október 2010

Tue, 17 May 2011 07:58:45 +0000

Sendi eftirfarandi fyrirspurn á yfirstjórn skólans

„Sælir

Mér barst það erindi sem fulltrúi jafnréttismála að kanna launamun milli deilda (á síðasta kennarafélagsfundi sem haldinn var 28.apríl síðast liðinn). Er möguleiki að fá þessar upplýsingar – t.d. hvort marktækur munur sé á meðal heildarlaunum fagdeilda?

Bestu kveðjur

Róbert Ferdinandsson

Jafnréttisfulltrúi Fjölbrautaskólans við Ármúla“

Mánudagurinn 17. maí 2010

Tue, 17 May 2011 07:57:20 +0000

Átti fund með Arnari Gíslasyni jafnréttisfulltrúa Háskóla Íslands um hlutverk jafnréttisfulltrúa. Hann lagði áherslu á að jafnréttisstarfi yrði að takmarka við fjórar breytur, þ.e. kyn, aldur, fötlun og málefni útlendinga. Ræddum mikið um stöðu jafnréttisfulltrúa í stjórnskipulagi skólans en hann lagði til að ég biði mig fram sem formann í samráðshóp um jafnréttismál sem hefði það hlutverk að leiða fram verkefni sem taka þyrfti á í jafnréttisstefnu skólans. Skipa þyrfti tengiliði við ólíkar deildir skólans, meðal nemanda og annars starfsfólks sem kalla mætti saman. Við vorum sammála að hlutverk jafnréttisfulltrúa mætti líkja við hlutverki regluvarða í bönkum sem standa áttu vörð um heilbrigða starfshætti.

Föstudagurinn 16. apríl 2010

Tue, 17 May 2011 07:56:28 +0000

Jafnréttisdagurinn var haldinn í dag en Margrét Steinarsdóttir framkvæmdarstjóri Mannréttindaskrifstofu Íslands hélt fyrirlestur um mansal í kaffihléinu frá 9:55-10:15. Sjá frétt. Ekki varð af fyrirhuguðum fundi um jafnréttismál sem fylgja átti í kjölfarið vegna skorts á þátttöku.

Mánudagurinn 22. Febrúar 2010

Tue, 17 May 2011 07:55:31 +0000

Um helgina barast póstur frá Jónu Pálsdóttur hjá MRN þar sem spurt var um sex atriði. Ljóst er að vinna þarf samþættingarverkefni sem felst m.a. í því að greina hvort stöðuveitingar séu jafnar á milli kynja. Jafnréttisfulltrúinn þarf einnig að vera virkur í þeirri stefnumótunarvinnu sem á sér stað innan skólans vegna innleiðslu nýrra framhaldsskólalaga. Jóna hefur boðist til að veita ráðgjöf en hún leggur m.a. áherslu á að ráðist sé í verkefni sem eru afmörkuð, vel skilgreind og afmörkuð. Þannig er hægt að mæla árangur og meta. Til að koma þessu betri rekspöl á koma á meiri samskiptum MRN og FÁ.

Fimmtudagurinn 16. Aprí 2009

Tue, 17 May 2011 07:54:06 +0000

Fyrir páska kom Sara Hrund að máli við mig og vildi stofna til umræðna um femísma og jafnrétti í skólanum sem mér fannst frábært framtak og ánægjulegt að frumkvæði að þessari umræðu kæmi frá nemanda. Hugmyndin þróaðist á þá vegu að ákveðinn var dagur sem skyldi verða jafnréttisdagur, bleikur dagur hér í skólanum, þar sem fengin yrði fyrirlesari sem ræddi um feminisma og jafnrétti. Sóley Tómasdóttir varð fyrir valinu. Sara prentaði veggspjöld með ýmsum boðskap sem tengist bágri stöðu kvenna í heiminum og skort á jafnrétti og hengdi upp í skólanum. Lagt var á ráðinn að jafnréttisráð væri stofnað innan skólans sem væri samræðuvettvangur nemanda og kennara um það sem væri vel gert og það sem betur mætti fara í jafnréttismálum innan skólans. Ráðið er opið nemendum, kennurum og öðrum áhugsömum starfsmönnum skólans og starfrækt í opinni málstofu þar sem fenginn er fyrirlesari (eða annar málsmetandi kona eða maður sem það hlutverk að vekja upp umræður). Niðurstöður ráðsins fara inn í sjálfsmat skólans þar sem gert er grein fyrir stöðu mála. Við viljum á þessum bleika degi 16. apríl stofna jafnréttisráð FÁ.

Mánudagurinn 9. Febrúar 2009

Tue, 17 May 2011 07:52:59 +0000

Bréf barst til skólastjórnar FÁ frá jafnréttisfulltrúa Menntamálaráðuneytisins, Jónu Pálsdóttir sem voru þessar:

Eru 25 starfsmenn eða fleiri?
Er jafnréttisnefnd starfandi?
Hefur jafnréttisáætlun verið unnin?
Hver er tengiliður vegna jafnréttismála?
Voru samþættingarverkefni í gangi árið 2008?*

Föstudagurinn 16. Janúar 2008 ? Jafnréttisþing 2009

Tue, 17 May 2011 07:51:09 +0000

Jafnréttisþingið er það fyrsta í sinni í röð og var frestað um tvö mánuði vegna bankahrunsins. Ráðamenn röðuðu sér skipulega á fremsta bekk í samræmi við stéttarstöðu sína. Það vakti furðu mín áhugi þeirra á málefninu og mér kom helst í hug að þeir væru að hvíla sig á umræðunni um kreppuna. Ráðamenn finna hæli og skjól í jafnréttishugsjóninni enda ætlunin að skipa efnahagsbölinu jafnt á milli fólks óháð hlutdeild þess í vandanum.

Fimmtudagurinn 30. október, 9:05-9:55 2008

Tue, 17 May 2011 07:49:35 +0000

Ég vildi taka nokkrar mælalegar staðreyndir um kynja jafnrétti sem auðvelt er að sjá eingöngu með því að skoða heimsíðu skólans (skoðuð 30.10.2008). Jafnréttisáætlun talar um jöfn kynjahlutföll í æðstu stjórnunarstöðum svo ég skoðaði þetta: