Jafnréttisbaráttan í dögum
|
|
|
|
|
|
|
|
|
| 30. janúar |
Kvikmyndin Fáðu já... var frumsýnd í grunn- og framhaldsskólum á Íslandi árið 2013 en markmið hennar var að skýra mörkin milli kynlífs og ofbeldis og vega upp á móti áhrifum kláms og klámvæðingar, sjá hér. |
| 8. mars | Alþjóðlegur baráttudagur kvenna Hugmyndina að sérstökum baráttudegi kvenna átti Clara Zetkin, þýsk kvenréttindakona og sósíalisti, sem bar hana fyrst upp á fundi Alþjóðasamtaka sósíalískra kvenna sem haldinn var í Kaupmannahöfn árið 1910. Þann fund sóttu 130 konur frá 16 löndum. Meira um uppruna dagsins, sjá hér. |
| 21.mars | Alþjóðadagur gegn kynjamisrétti. Allsherjarþing Sameinuðu þjóðanna valdi þessa dagsetningu í minningu 69 mótmælenda myrtir voru 21.mars 1960 er þeir tóku þátt í mótmælum gegn aðskilnaðarstefnu stjórnvalda í Suður-Afríku. |
| 19. júní |
19. júní - Kvennréttindadagurinn Kristján 10. konungur dana undirritaði nýja stjórnarskrá Íslands 19. júní 1915 þar sem meðal annars var kveðið á um að allar íslenskar konur, 40 ára og eldri, hefðu kosningarétt og kjörgengi. Tímarit Kvennréttindafélags Íslands sem ber heitið 19 júní fyrst gefið út 1951, sjá hér. |
| 12. október | Bleiki dagurinn Október er mánuður Bleiku slaufunnar, árveknis- og fjáröflunarátaks Krabbameinsfélags Íslands gegn krabbameinum hjá konum. Af því tilefni biðjum við alla landsmenn um að klæðast einhverju bleiku föstudaginn 12. október 2012 eða hafa bleikan lit í fyrirrúmi þann dag. Með því sýnum við samstöðu í baráttunni. |
| 24. október |
Kvennafrídagurinn Kvennafrídagurinn var baráttudagur sem íslensk kvenréttindasamtök stóðu fyrir mánudagin 24. október árið 1975 og var haldinn hátíðlegur með ræðum og söng á Lækjartorgi í Reykjavík og víðar á Íslandi. Haldið var upp á 30 ára afmæli dagsins þann 2005. Áfram stelpur! |
| 8. nóvember |
Dagur gegn einelti Verkefnastjórn um aðgerðir gegn einelti hefur ákveðið að helga 8. nóvember ár hvert baráttunni gegn einelti, sjá hér. Slíkur baráttudagur var fyrst haldinn árið 2011 og markmiðið með deginum er og var að vekja sérstaka athygli á málefninu. Skrifum öll undir "Sáttmála gegn einelti". |
| |
|
(Síðast uppfært 13.10.2012)