Vikupistill skólameistara (2010/16)
Dagskólanemendur
Í dag eru 952 nemendur skráðir í dagskóla FÁ. 517 þeirra stunduðu nám á vorönn. 435 nemendur eru nýir eða endurinnritaðir, 300 nýir og 135 endurinnritaðir. Af nýjum nemendum koma 170 beint úr grunnskóla.
Dagskólanemendur skiptast þannig á brautir:
Almenn braut 152 þar af Almenn braut 1 22
Félagsfræðibraut 243 Heilbrigðisritarabraut 20
Lyfjatæknabraut 50 Læknaritarabraut 5*
Málabraut 72 Náttúrufræðibraut 120
Heilsunuddarabraut 65 Sjúkraliðabraut 100
Sérdeildir 26 Tanntæknabraut 28
Viðbót til stúdentsprófs 7 Viðsk.- og hagfr.braut 55
Viðskiptabraut 3 Ótilgreind braut 4
Engin braut 2 Samtals: 952 nemendur
*Flestir nemendur læknaritarabrautar eru í fjarnámi.
Fjarnám
Innritun í fjarnám hófst 1. september. Í morgun voru 1180 nemendur búnir að skrá sig í fjarnámið. Innritun lýkur á miðnætti þann 7. september.
Þjófavarnir
Ég bið kennara að læsa kennslustofum, sérstaklega er það brýnt eftir síðustu kennslustund dagsins. Það hefur komið fyrir að stofur séu opnar frá því að kennslu lýkur og þar til ræstingafólk mætir á staðinn. Í nýju álmunni þarf að gæta þess að loka öllum gluggum í mannlausum herbergjum. Ég bið starfsmenn og nemendur að gæta vel að verðmætum, svo sem seðlaveskjum, tölvum og símum.
Bílastæði
Það hefur borið á því að menn aki í kjölfar bíls sem opnar hliðið. Þetta bíður hættunni heim því að hliðið getur lent á aftari bílnum með skemmdum, bæði á bílnum og hliðinu. Slíkt hefur gerst oftar en einu sinni. Opnið alltaf hliðið með eigin lykli.
Eigendur fyrirtækja í nágrenninu kvarta yfir því að nemendur leggi í bílastæðin þeirra. Þeir sem leggja bílum í einkastæði taka þá áhættu að bílarnir verði dregnir burtu.
Umgengni
Ég bið starfsmenn að láta í sér heyra þegar þeir verða varir við að nemendur brjóti reglur skólans. Það þarf stöðugt að minna nemendur á gildi góðrar umgengni, eins og t.d. að fleygja umbúðum og matarleifum í ruslafötur. Reykingar eru bannaðar alls staðar nema í reykskýli og munntóbaksnotkun er bönnuð í skólahúsnæðinu.
Umsjónarfundur
Fundur umsjónarkennara með umsjónarnemendum verður þriðjudaginn 7. september kl. 09:05. Örstuttur undirbúningsfundur verður haldinn á kennarastofu kl. 09:00 sama morgun. Umsjónarkennarar eru beðnir um að ræða sérstaklega við nýnema sem eru að hefja skólagöngu í FÁ. Margir þeirra eru nokkuð ráðvilltir í nýjum skóla.
Gísli