Meira

Í þessum áfanga eru kynntar ýmsar lyfjaskrár og handbækur sem tengjast lyfjamálum, s.s. Ph.Eur., Ph.Nord., Martindale, Merc og DLS. Farið er í gæðahandbækur lyfjafyrirtækja og gæðastaðla s.s. GMP, GPP og GLP. Farið er í lyfjafræðilega umsjá (Pharmaceutical care). Farið er ítarlega í notkun íslensku Sérlyfjaskrárinnar. Farið er í erlendar lyfjaskrár, lyfjaverðaskrá og ATC-flokkunarkerfið. Fjallað er um helstu starfsemi apóteka og sjúkrahúsapóteka. Einnig eru lesin tímarit sem tengjast lyfjamálum.

Meira

Í áfanganum er fjallað um heilbrigðisráðuneytið og hlutverk Lyfjastofnunar, lyfjaverðsnefndar, greiðsluþátttökunefndar, Tryggingastofnunar ríkisins, apóteka, sjúkrahúsapóteka o.fl. Fjallað er um lög um heilbrigðisþjónustu, Heilbrigðisáætlun og lög um Tryggingastofnun ríkisins. Nemendur kynnast siðfræði lyfjatækna og annarra heilbrigðisstétta. Auk þess eru ýmis atriði úr sögu lyfjafræðinnar tekin fyrir. Farið er í vettvangsheimsóknir í fyrirtæki sem tengjast lyfjamálum. Meira

Að nemandi:
geti á faglegan hátt gert grein fyrir notagildi margvíslegra hjúkrunar- og sjúkragagna bæði með tilliti til meðferðar og forvarna.
geti gert grein fyrir grundvallaratriðum í sáragræðslu og þekki algengustu umbúðir
geti leiðbeint viðskiptavinum við val á umbúðum vegna mismunandi sára eða áverka
geti lýst mismunandi eiginleikum sáraplástra og heftiplástra
geti gert grein fyrir mismunandi gerðum og notagildi stuðnings-og þrýstiumbúða
geti lýst gerð mismunandi blóðþrýstingsmæla og leiðbeint um notkun þeirra
geti lýst tilgangi og notkun barkastoma og leiðbeint um þrif á þeim
þekki mismunandi næringarduft og -drykki og geti leiðbeint um val á þeim
geti sýnt fram á þekkingu á algengum þvagfæravandamálum
geti gert grein fyrir mismunandi tegundum og tilgangi þvagleggja
hafi þekkingu á algengum getnaðarvörnum
Meira

Að nemandi:

• geti á faglegan hátt gert grein fyrir hvernig munnholið er uppbygg
• geti útskýrt orsök fyrir tannskemmdum og afleiðingu þeirra
• verði fær um að útskýra orsök og afleiðingu tannholdssjúkdóma
• öðlist vitneskju um gervitennur og þau vandamál sem geta fylgt notkun þeirra
• geti leiðbeint einstaklingum um val á tannheilsuvörum og þekki innihald ýmissa efna sem notuð eru í munnholi
• verði fær um að skilja orsök og afleiðingu munnþurrks og geti leiðbeint á faglegan hátt um notkun hjálparefna gegn munnþurrki
• geti gefið upplýsingar um hjálpartæki til munnhirðu
• verði fær um að leiðbeina foreldrum um tannhirðu barna
• geti leiðbeint fötluðum við tannhirðu
• þekki sérhæfða skyndihjálp barna
• geti leiðbeint foreldrum eða forráðamönnum um forvarnir í sambandi við öryggi barna
• þekki og geti útskýrt notkun á öryggisvörum fyrir börn.
  

Meira

Að nemandi:
kannist við uppbyggingu þvagstrimla og reglur varðandi töku þvagprufa
kannist við hugtökin sýrustig, blóðsúr, basaeitrun, ketóneitrun og sýru-basa jafnvægi líkamans
þekki gerðir þvagstrimla sem seldar eru í lyfjabúðum og geti leiðbeint í sambandi við val á þeim
þekki gerðir blóðstrimla og geti leiðbeint um notkun á blóðsykursmælum
þekki þau próf sem seld eru og þær mælingar sem gerðar eru í lyfjabúðum
geti leiðbeint sjúklingum í sambandi við val á sprautum og nálum
geti leiðbeint sjúklingum í sambandi við notkun á insúlínpennum og þekki tegundir nála sem notaðar eru í þá
geti fyllt út eyðublöð í sambandi við greiðsluþátttöku Sjúkratrygginga Íslands á ýmsum vörum og hjálpartækjum
þekki skipskistureglugerðina.
Meira

Að nemandi:

• þekki áhrif helstu meltingarfæralyfja, verkjalyfja og húðlyfja
• kunni ofangreind lyf með nafni, sérheiti og samheiti
• skilji verkun lyfja úr ofangreindum flokkum
• geti skýrt verkun lyfja fyrir sjúklingum
• kunni að leita sér upplýsinga um lyf
• kunni skil á helstu aukaverkunum ofangreindra lyfja
• viti um helstu milliverkanir lyfja
• viti hvernig á að taka lyf og í hvaða skammtastærðum.

Meira

Að nemandi:

• þekki áhrif helstu sýkingalyfja, sykursýkislyfja, skjaldkirtilslyfja og hormónalyfja,
• kunni ofangreind lyf með nafni, sérheiti og samheiti
• skilji verkun lyfja úr ofangreindum flokkum
• geti skýrt verkun lyfja fyrir sjúklingum
• kunni að leita sér upplýsinga um lyf
• kunni skil á helstu aukaverkunum ofangreindra lyfja
• viti um helstu milliverkanir lyfja
• viti hvernig á að taka lyf og í hvaða skammtastærðum.

Meira

Í áfanganum er farið yfir helstu verkjalyf, tauga- og geðlyf og lyf við hrörnunarsjúkdómum, eins og Alzheimer, Parkinson og MS. Fjallað er um lyf og lyfjaflokka og hvaða áhrif þau hafa og hvernig það kemur að notum við að lækna sjúkdóm eða heilkenni. Fjallað er um önnur áhrif lyfja og samspil lyfja. Farið er yfir helstu skammtastærðir og hvernig lyf eru tekin svo þau gagnist sem best.

Meira

Í áfanganum er farið yfir helstu lyf við hjarta- og æðasjúkdómum, blóðlyf, krabba-meinslyf, ónæmisbælandi lyf og uppsöluhemjandi lyf. Fjallað er um lyf og lyfjaflokka og hvaða áhrif þau hafa og hvernig það kemur að notum við að lækna sjúkdóm eða heilkenni. Fjallað er um önnur áhrif lyfja og samspil lyfja. Farið er yfir helstu skammtastærðir og hvernig lyf eru tekin svo þau gagnist sem best. Meira

Í áfanganum er fjallað um áhrif vinnuumhverfis á starfsmanninn svo sem hvernig stærð og skipulag vinnurýmis, rúm, stólar, borð og hjálpartæki hafa áhrif á vinnuaðstöðu og vinnuhreyfingar. Rætt er um grundvallaratriði góðrar vinnutækni sem gerir einstaklingnum kleift að átta sig á hvort vinnuaðferðir hans séu hættulegar með tilliti til álags á líkamann. Kynnt verða ýmis hjálpartæki sem geta dregið úr líkamlegu álagi við vinnu og hættu á álagsmeinum. Í verklegum hluta eru ýmis hjálpartæki kynnt og áhersla lögð á rétta líkamsbeitingu og vinnutækni.
Áfanginn er kenndur samhliða LOL 103 og HJV 103. Meira

Í áfanganum er fjallað um lyfjalög og reglugerðir, dreifibréf og auglýsingar sem snúa að daglegum rekstri lyfjabúða, lyfjaheildsala, lyfjagerða og sjúkrahúsapóteka. Farið er yfir lyfjalög, lyfjadreifingarlöggjöf, starfsgreinalöggjöf, ávana- og fíkniefnalöggjöf, eiturefnalöggjöf og almannatryggingarlöggjöf. Nemendur vinna verkefni, bæði einstaklings- og hópverkefni. Meira

Í áfanganum er um sjálfstætt verkefni nemanda að ræða. Kennari kynnir fyrir nemanda þau verkefni sem í boði eru eða nemandi kemur með eigin óskir um verkefnaval. Nemandi aflar sér heimilda og upplýsinga eða gerir könnun sem tengist verkefninu. Nemandi skipuleggur verkefnið í byrjun annar og vinnur síðan samkvæmt áætlun að gerð heimildaritgerðar eða þess verkefnis sem fyrir valinu varð. Verkefnið getur fjallað um ýmislegt sem tengist lyfjatæknum svo sem lyfjaframleiðslu, sjúkdómum og lyfjum, hjúkrunarvörum, lausasölulyfjum, lögum og reglugerðum, könnun á afgreiðslu og dreifingu lyfja, stofnunum heilbrigðismála eða félagslegum þáttum í starfi lyfjatækna. Meira

Í áfanganum er farið yfir öll lausasölulyf í Sérlyfjaskrá, óskráð lyf og forskriftarlyf. Farið er í helstu flokka lausasölulyfja og nöfn lyfjanna. Einnig er fjallað um ábendingar lyfjanna, hvernig þau verka, auka- og milliverkanir, frábendingar og skammtastærðir. Farið er yfir þau lyf sem einungis má selja í takmörkuðu magni í lausasölu. Sérstök áhersla er lögð á að kenna nemendum að veita faglegar upplýsingar og ráðgjöf um lausasölulyf í apótekum. Nemandi leysir á þverfaglegan hátt verkefni þar sem tekin eru fyrir dæmi úr daglegu starfi lyfjatæknis. Meira

Í þessum áfanga er farið í eðli hinna ýmsu lyfjaforma og framleiðsluaðferðir þeirra Meira

Að nemandi:
geti framleitt nokkur lyfjaform eins og stíla, krem, mixtúru, lausn og dreifu
geti fyllt út framleiðsluseðla, framleiðsluskrár og kunni að gera framleiðslunúmer s.s. innkonumnúmer og lotunúmer
þekki til innri úttektar
kunni að íblanda lyfjum í innrennslislyf samkvæmt forskrift
kynni fyrir kennara og samnemendum niðurstöður úr verkefnum sínum.
Meira

Í áfanganum er farið í frásog, dreifingu og útskilnað lyfja. Farið er í uppbyggingu frumuhimnunnar og flutningsleiðir lyfja yfir þær. Skilgreind eru ýmis hugtök s.s. "first-pass" áhrif, aðgengi, próteinbinding, helmingunartími, dreifirúmmál, plasmaúthreinsun (clearance), hámarksblóðþéttni (Cmax), AUC, viðtaki og lyfjafræðilegur stuðull. Að lokum er farið í verkunarmáta lyfja, skömmtun lyfja, meðferðarfylgni, aukaverkanir og milliverkanir lyfja. Meira

Að nemandi:
öðlist skilning á eðli lyfjaforma og gerð þeirra
viti hvaða áhrif geymsla og pakkningar hafa á lyf
geti leiðbeint um notkun og meðferð lyfjaforma
geri sér grein fyrir hvaða áhrif mismunandi geymsluskilyrði hafa á lyf
viti hvaða pakkningar eru til fyrir lyf og hvernig þær eru merktar
hafi þekkingu á fyrningardagsetningum
öðlist skilning á sérstöðu mismunandi sjúklingahópa sem neyta lyfja eins og aldraðra, barna, kvenna á meðgöngu og með barn á brjósti
viti hvað gerist samhliða notkun áfengis og lyfja
þekki til lyfja sem hafa áhrif á aksturshæfni
viti hvaða lyf íþróttamenn mega nota og hver ekki.
Meira

Í áfanganum er farið yfir framleiðslu og notkun náttúruefna í lyfjafræði. Farið er í óhefðbundnar lækningar, íslenskar lækningajurtir og muninn á lyfjum, náttúrulyfjum, náttúruvörum og fæðubótarefnum. Farið er í náttúrulyf sem hafa fengið markaðsleyfi hérlendis. Fjallað er um muninn á náttúrulyfjum og náttúruvörum. Sérstaklega er farið í verkun þessara efna, meinta verkun, aukaverkanir og milliverkanir. Farið er yfir droga. Meira

Í áfanganum er farið yfir helstu fæðubótarefni, heilsuvörur, megrunarvörur, hjálparefni íþróttarmanna og skyldar vörur sem eru á markaði. Skoðaðir eru efna- og eðliseiginleikar efnanna, hugsanleg verkun, meint verkun, aukaverkanir og skaðleg verkun. Leitað er fanga á sem víðustu sviði. Rýnt er í heimildir og þær metnar. Lögð er áhersla á að nemendur geti veitt faglega ráðgjöf og upplýsingar um þessar vörur. Fjallað er um smáskammtalyf og skoðuð reglugerð um þau. Auk þess er komið inn á markfæði (functional food). Meira

Að nemandi
geti gert grein fyrir nokkrum grundvallarhugtökum í meinafræði og tengsl þeirra við sjúkdóma í mönnum.
geti lýst hvernig hægt er að minnka líkur á frumulöskun af völdum umhverfisþátta.
þekki hlutverk helstu samvægisferla í heilbrigði mannslíkamans.
læri um þróun og sameiginleg einkenni helstu krabbameina og tengsl þeirra við umhverfis-og erfðaþætti.
geti gert grein fyrir meingerð, einkennum og orsökum algengustu sjúkdóma í þekjukerfi, stoðkerfi og taugakerfi. Meira

Að nemandi
læri um meingerð, einkenni, orsakir og mögulegar afleiðingar algengra sjúkdóma í innkirtlum, hjarta-og æðakerfi, öndunarfærum, meltingarfærum, þvag- og æxlunarkerfi.
þekki einkenni, orsakir og meðferðarmöguleika algengra geðrænna sjúkdóma.
geti útskýrt ákveðin sjúkdómseinkenni út frá lífeðlisfræðilegum breytingum sem verða í líkamanum við samvægistruflanir og sjúklegt ástand.
geti lýst hvernig hægt er að draga úr einkennum eða fyrirbyggja samvægistruflanir og sjúklegt ástand með breytingum á lífsvenjum. 
þekki algeng latnesk sjúkdómaheiti og tengsl þeirra við líffæra-og lífeðlisfræði Meira

Fjallað er um aðgerðir á vettvangi, skoðun og mat. Endurlífgun, bókleg og verkleg. Farið er í helstu blæðingar, lost og viðbrögð við lostástandi. Teknar eru fyrir helstu tegundir sára, umbúðir og sárabindi. Farið er í helstu orsakir bruna, flokkun brunasára og skyndihjálp við bruna. Helstu höfuð, háls og hryggáverkum eru gerð skil ásamt brjóst kvið og mjaðmaáverkum. Einnig er farið í beina liðamóta og vöðvaáverka. Kennt er að spelka útlimi með áverka. Farið er í bráða sjúkdóma, eitranir, bit og stungur. Fjallað er um viðbrögð við kali og ofkælingu og háska af völdum hita. Farið er í björgun og flutning einstaklinga af slysstað. Meira

Fjórtán vikna (36 tímar á viku) starfsnám í apóteki í umsjón kennara viðkomandi skóla og leiðbeinanda í apóteki sem er lyfjatæknir eða lyfjafræðingur. Í starfsnámi eiga nemar að kynnast öllum störfum sem lyfjatæknar vinna í apótekum. Hlutverk leiðbeinandans er að sjá til þess að neminn fái þjálfun í öllum störfum sem fyrir nemann eru lagðir samkvæmt verkefnalista í ferilbók. Á meðan á starfsnámi stendur, gerir neminn þverfagleg verkefni sem tengjast bæði starfsnáminu og sérnáminu. Þessum verkefnum er skilað til kennara lyfjatæknabrautar. Leiðbeinandinn gefur umsögn um nemandann að starfsnámi loknu. Meira