Heilbrigðisskólinn

Lyfjatækni

Lyfjatæknaskóli Ísland tók til starfa haustið 1974, samkvæmt reglugerð sem sett var 4. júní 1973. Frá 1960 hafði Apótekarafélag Íslands haft kvöldnámsskeið fyrir starfsfólk apóteka. Konur sem sóttu námskeið Apótekarafélagsins kölluðust defektrísur en það var ekki fyrr en með stofnun Lyfjatæknaskólans að lyfjatæknir verður starfsheiti.

Árið 1983 var sett ný reglugerð um lyfjatæknaskólann. Þar var námskipan breytt og námsefni aukið. Hlutverk Lyfjatæknaskóla Íslands var að tæknimennta aðstoðarfólk við lyfjagerð og lyfjaafgreiðslu. Allt frá stofnun skólans var hann undir stjórn Heilbrigðisráðuneytis. Starfsvettvangur lyfjatækna skv. reglugerð.

Vorið 1992 var Lyfjatæknaskólinn lagður niður en um leið endurreistur sem námsbraut í Fjölbrautaskólanum við Ármúla, með reglugerð Menntamálaráðuneytis nr. 395 frá 27. okt. 1992. Inntökuskilyrði á lyfjatæknabraut er grunnskólapróf.

Haustið 2004 var byrjað að kenna samkvæmt nýrri námskrá í lyfjatækni. Námið lengdist úr 140 ein. í 162 ein. en mestu munar að starfsnámið er nú kennt eina önn (14 ein.) í stað 10 mán. áður. Nám á lyfjatæknabraut skiptist í eins og hálfs árs aðfararnám (3 annir, var áður 4 annir) og þriggja ára sérnám (var áður 2 ár + 10 mán. starfsnám). Nemandi fær löggildingu starfsheitis hjá heilbrigðisráðherra strax eftir útskrift.

Lyfjatæknar þurfa að bæta við sig ca. 9 ein. til að útskrifast með stúdentspróf (starfsmenntastúdent).

Lyfjatæknafélag Íslands er fagfélag lyfjatækna á Íslandi og hefur samskipti við systurfélög á Norðurlöndum og annars staðar í heiminum, enda er námið viðurkennt til starfsréttinda erlendis.



Senda grein


Stoðflokkar



Útlit síðu:

Þetta vefsvæði byggir á Eplica