Viðbót til stúdentsprófs
Samkvæmt breytingum á aðalnámskrá framhaldsskóla sem menntamálaráðherra staðfesti í janúar 2002, geta nemendur sem ljúka námi á starfsmenntabrautum nú bætt við einingum og lokið stúdentsprófi.
Nemendur á námsbraut fyrir heilsunuddara skulu bæta við sig námi í almennum bóknámsgreinum þannig að heildarnám í einstökum greinum verði ekki minna en:
- íslenska 15 einingar
- enska 12 einingar
- stærðfræði 6 einingar
- Að auki skulu nemendur bæta við sig samtals 12 einingum í tungumálum/náttúrufræðigreinum og stærðfræði/samfélagsgreinum samkvæmt eigin vali. Miða skal við að nám í grein verði ekki minna en 9 einingar samtals. Stærðfræði er þó undanskilin þeirri reglu.
Þar sem slíkt stúdentspróf tryggir ekki aðgang að öllu námi á háskólastigi eru nemendur hvattir til að afla sér upplýsinga um kröfur sem skólar gera um undirbúning.