SJÚ 203

• Áfangaheiti: Sjúkdómafræði
• Undanfari: SJÚ 103 (eða samhliða)
• Efnisgjald: 0

Markmið

Að nemandi
læri um meingerð, einkenni, orsakir og mögulegar afleiðingar algengra sjúkdóma í innkirtlum, hjarta-og æðakerfi, öndunarfærum, meltingarfærum, þvag- og æxlunarkerfi.
þekki einkenni, orsakir og meðferðarmöguleika algengra geðrænna sjúkdóma.
geti útskýrt ákveðin sjúkdómseinkenni út frá lífeðlisfræðilegum breytingum sem verða í líkamanum við samvægistruflanir og sjúklegt ástand.
geti lýst hvernig hægt er að draga úr einkennum eða fyrirbyggja samvægistruflanir og sjúklegt ástand með breytingum á lífsvenjum. 
þekki algeng latnesk sjúkdómaheiti og tengsl þeirra við líffæra-og lífeðlisfræði

Efnisatriði

Í áfanganum er fjallað um hjarta- og æðasjúkdóma, öndunarfærasjúkdóma, sjúkdóma í innkirtlum, meltingarkerfi, þvagkerfi og æxlunarkerfi. Jafnframt verður fjallað um einkenni og áhrif algengra geðrænna sjúkdóma og vægra geðraskana..

Kennslugögn

Kennslugögn: Bogi B. Ingimarsson. Sjúkdómar í mönnum (1996). Reykjavík, Iðnú.
Efni á veraldarvefnum.

Stuðningsefni:
Phillips, Murray, Crocker. 1997. The Biology of Disease. Blackwell Science Ltd., U.K., 2 Ulvestad, Ragnhild, (1996). Sykdomslære, Gyldendal Norsk Forlag A/S
Helstu slóðir er að finna á vef Heilbrigðisskólans, sjúkraliðabraut/ áhugaverðir tenglar.

Námsmat

70% lokapróf
30% verkefni og próf á önn