SAG 203

• Áfangaheiti: Íslands- og mannkynssaga frá 1750 til samtímans

Markmið

• Að nemendur fái skýra mynd af íslensku þjóðfélagi á fyrri hluta 19. aldar, af kjörum almennings, sjálfstæðisbaráttu, umbótaviðleitni og síðan breytingum á 20. öld.
• Að nemendur fái yfirlit um helstu hugmyndastefnur í Evrópu og tilraunir til að framkvæma slíkar hugmyndir til að breyta heiminum.
• Að nemendur skilji áhrif tækninýjunga og geti metið hversu þær urðu til góðs og einnig þann vanda sem þær sköpuðu.
• Að nemendur fái nokkra þekkingu á tildrögum styrjalda, einkum á 20. öld og kynni sér þau spor sem heimsstyrjöldin síðari markaði í sögu Íslands.
• Að nemendur kanni tilurð „velferðarríkis” 20. aldar.
• Að nemendur öðlist nokkra þekkingu á mikilvægum sögulegum hugtökum og atburðum t.d. Vesturheimsferðum og kalda stríðinu.

Efnisatriði

Bls. 12-67 og 86-96 (Byltingar- og stríðstímar, Frá Vínarfundi til þjóðfundar, Iðnbylting og borgarlíf, Heilsufar, menntun og atvinnulíf).
Bls 97-140 og 146-180 (Þjóðerni, ríkjamyndun og sjálfstæðisbarátta, Vesturheimsferðir og nýlendustefna, Fyrri heimsstyrjöld, Kreppa).
Bls. 180-238, 244-250 og 271-307(Heimsstyrjaldirnar, Rússneska byltingin, Kalda stríðið, Austur og vestur, Þriðji heimurinn, Samfélagsbreytingar).

Námsfyrirkomulag

Gert er ráð fyrir að nemendur þjálfist í gagnrýnni hugsun, átti sig á mikilvægi þess að geta séð söguleg málefni frá ólíkum sjónarhornum; geti séð samhengi milli svæða, sviða og tímaskeiða. Nemendur þjálfist í að afla sér og koma á framfæri sögulegri þekkingu. Lögð er áhersla á vandaða notkun heimilda. Beita þarf gagnrýnni hugsun þegar valdar eru heimildir, einkum af netinu. Nemendur verða að læra að nota heimildir af netinu og meta áreiðanleika þeirra.

Kennslugögn

Íslands- og mannkynssaga NB II eftir Gunnar Þór Bjarnason og Margréti Gunnarsdóttur.

Námsmat

Þátttaka í tímum, mæting: 10%
Stutt erindi: 10%
Tvö skyndipróf: 20%
Lokapróf: 60%

Til að aðrir þættir verði metnir þarf að ná 5 á lokaprófi.