7. Húsnæði og aðstaða
Skólinn er við Ármúla 12 og er vel staðsettur með tilliti til almenningssamgangna og annarrar þjónustu. Skólinn er með leiguhúsnæði í Ármúla 10 auk þess sem íþróttakennsla er í Framheimilinu í Safamýri. Árið 2008 var hafist handa við að byggja nýtt 2900 m2 húsnæði við skólann og var þeim framkvæmdum lokið á 30 ára afmæli hans 7. september 2011. Fjölnotasalur, nýtt bókasafn og mötuneyti nemenda voru tekin í notkun á haustönn 2010 og suðurálman með aðstöðu fyrir sérnámsbraut og Heilbrigðisskólann á haustönn 2011. Gott aðgengi er fyrir fatlaða og næg bílastæði eru á lóð skólans.
(Síðast uppfært 2.11.2012)