7.1. Kennslustofur
Tölvustofur
Í skólanum eru tölvustofur aðgengilegar nemendum jafnt sem kennurum á þeim tíma sem ekki er verið að kenna í stofunum. Nemendur geta nýtt tölvukost skólans til náms í eyðum sem kunna að vera í stundatöflum þeirra. Kennarar geta pantað staka tíma í tölvustofum fyrir hópa sína, t.d. þegar vinna þarf stærri verkefni eða hópverkefni.
Tölvustofur og bókasafn mynda ákveðið upplýsingaver þar sem nemendur hafa aðgang að bókasafni skólans um leið og þeir vinna í tölvuveri skólans. Tölvustofurnar eru opnar eftir kennslu á daginn og helst opnunartími í hendur við opnunartíma bókasafnsins.