9.1. Hegðun og umgengni

Almennar reglur

• Nemendur og starfsfólk skólans skulu sýna kurteisi og tillitssemi í umgengni hvert við annað sem og umhverfið í heild sinni.
• Skólinn er Grænfánaskóli og skulu nemendur og starfsmenn kappkosta að fylgja þeim áherslum sem skólinn hefur lagt í umhverfismálum.
• Öll notkun vímuefna í skólanum og á lóð hans er óheimil. Sama gildir um ferðir og skemmtanir á vegum skólans.
• Nemendur bera sjálfir ábyrgð á því að fylgjast með tilkynningum frá skólanum sem varða námið.

Ástundun og hegðun í kennslustundum

• Nemendum og kennurum ber að mæta stundvíslega í kennslustundir.
• Kennari er verkstjóri í kennslustundum og ber nemendum að fylgja fyrirmælum hans í hvívetna.
• Í kennslustundum skal ríkja vinnufriður.
• Neysla matar og drykkja er almennt óheimil í kennslustundum.
• Notkun raftækja í kennslustundum er óheimil nema í tengslum við úrvinnslu verkefna í samráði við kennara.
• Að loknum kennslustundum skal skilja við kennslustofur á skipulegan og snyrtilegan hátt.

Viðurlög við brotum á þessum reglum eru háð ákvörðunum skólayfirvalda/kennara í hverju tilviki og geta varðað allt að brottvísun úr skóla.

• Tweet