Áfangi
Eðlisfræði 1
- Áfangaheiti: EÐLI2GR05
- Undanfari: RAUN1JE05 og æskilegt er að nemandi hafi lokið STÆR2HS05, STÆR2AM05 og STÆR2HV05
Markmið
- Nemandi:
- geti greint hreyfingu eftir beinni línu með hreyfijöfnunum fjórum
- þekki og geti notað lögmál Newtons við að leysa dæmi
- þekki helstu orkuform og geti leyst verkefni með lögmálinu um varðveislu orkunnar
- þekki lögmálið um varðveislu skriðþunga og geti notað það til að leysa einföld dæmi um línulega árekstra, bæði alfjaðrandi og ófjaðrandi
- kunni að nota lögmál Hookes
- geti notað reglu Pascals og lögmál um þrýsting í vökva til að útskýra hvernig loftvogir og vökvalyftur vinna og geti reiknað út einföld dæmi um þrýsting í vökva
- geti notað lögmál Arkimedesar til að reikna út uppdrif hluta
- þekki helstu lögmál um eðli ljóss, s.s. lögmálið um speglun, brotlögmálið og lögmál Snells, og geti notað þau til að leysa einföld dæmi í ljósfræði.
Efnisatriði
Hreyfijöfnur sem lýsa hreyfingu eftir beinni línu, tregða og kraftur. 1., 2. og 3. lögmál Newtons, heildarkraftur, njúton, þverkraftur, núningskraftur, núningsstuðull, massi og þyngd, vinna, afl, hreyfiorka, stöðuorka, varðveisla orkunnar, varmi, nýtni véla, skriðþungi, fjaðrandi og ófjaðrandi árekstrar, atlag, lögmál Hookes, þrýstingur í vökva og lofti, regla Pascals, uppdrif, lögmál Arkimedesar, speglun ljóss, ljósbrot, brotstuðull, lögmál Snells, alspeglun, markhorn og geislagangur.
Námsfyrirkomulag
Nemendur vinna vinna verklegar tilraunir
Nemendur vinna úr tilraunagögnum með Excel.
Nemendur þreyta fjögur próf á önninni.
Nemendur kynnast útleiðslum og röksemdafærslum
Nemendur reikna dæmi og vinna önnur verkefni í tímum.
Í áfanganum er boðið upp á sleppikerfi ef nemendur ná 7,5 í lokaeinkunn í öllum verkefnum á önninni.
Kennslugögn
Kennslubók sem gott er að eiga: Eðlisfræði 103 eftir Davíð Þorsteinsson. Útg. ágúst 2000.
Dæmasafn frá kennara og glósur í Moodle.
Námsmat
Lokamat vegur 40%
Tilraunir vega 28%
Tímapróf á önninni vega 32%