Hugvísinda- og málabraut

Hugvísinda- og málabraut er ætlað að veita nemendum breiða og almenna menntun auk þess að búa þá undir nám á háskólastigi. Einkum er lögð áhersla á að undirbúa nemendur fyrir nám í hugvísindum s.s. tungumálum, heimspeki, sagnfræði og á öðrum sviðum fræða og lista.

Til að hefja nám á hugvísinda- og málabraut er nauðsynlegt að nemandi hafi staðist grunnskólapróf í kjarnagreinum (íslensku, ensku og stærðfræði) eða lokið fornámi í þessum áföngum.

Nám á hugvísinda- og málabraut er alls 200 feiningar. Það samanstendur af kjarna (86 fe) sem er sameiginlegur öllum bóknámsbrautum, þriðja tungumáli (25 fe), brautarkjarna (35 fe) sem inniheldur hugvísindagreinar og loks vali (54 fe) sem nemendur velja í samræmi við áhuga og lokamarkmið. Til að útskrifast þarf nemandi að ljúka að lágmarki 40 feiningum á þriðja þrepi en hyggi hann á framhaldsnám sem byggir á stúdentsprófi hugvísindabrautar er ráðlegt að ljúka a.m.k. 15-20 feiningum til viðbótar á þriðja þrepi í sérgreinum brautarinnar. Athugið að þriðja tungumál flokkast á fyrsta og öðru þrepi til stúdentsprófs.

Nemandi sem staðist hefur grunnskólapróf í kjarnagreinum getur lokið námi á brautinni á þremur árum. Til þess þarf hann að ljúka 33-35 feiningum á hverri önn. Hann þarf einnig að huga vel að þrepaskiptingu í öllum greinum og átta sig á að sumir áfangar eru ekki í boði á hverri önn.

Nákvæm brautarlýsing er á Námskrá.is.

Smelltu á viðkomandi krækju hér fyrir neðan til að opna brautarlýsingu.

  Hugvísindabraut (skv. nýrri námskrá)
Excel / PDF
  Málabraut (skv. eldri námskrá)


(Síðast uppfært 22.1.2016)