Allt sem þú vildir vita um Árdaga en þorðir ekki að spyrja...!

Árdagar frá A til Ö.

Árdagar eru þemadagarnir okkar. Þeir hefjast með íþróttahátíðinni í Framheimilinu 1. mars og enda á ferðadeginum 3. mars.

Þessa daga bregðum við útaf venjubundnu skólastarfi og gerum allskonar skemmtilegt saman. GAMAN SAMAN! Að þessu sinni er þemað ELDUR og sumir atburðir tengjast því eldi í sinni breiðustu mynd.

Kennslu verður haldið í lágmarki þessa daga en 1. og 2. mars verður kennsla frá klukkan 8.10 til 10.00 og svo hefst fjörið. Á ferðadeginum 3. mars fellur kennsla alveg niður því þá förum við í hinar og þessar ferðir okkur til skemmtunar. Svo er frí í skólanum á föstudeginum 4. mars, ekki amalegt!

Það verður að á skrá sig á flesta viðburði og í ferðir og er það hægt í hádeginu á miðvikudag (23. feb), fimmtudag (24. feb) og föstudag (25. feb).

Nemendur fá miða fyrir hvern atburð sem þeir mæta á og eru reglurnar þannig að 1. mars þurfa nemendur að fá a.m.k. tvo miða og 2. mars þurfa nemendur að fá a.m.k. tvo miða. Svo er það ferðadagurinn 3. mars og þá velja nemendur sér ferð til að fara í og fá fyrir hana einn miða. Að sjálfsögðu mega nemendur mæta á fleiri viðburði en lágmarksviðvera kveður á um.

Mætingarmiðana þarf síðan að líma á þartilgert blað sem nemendur nálgast á skrifstofu skólans - þessu blaði þarf svo að skila í hólfið hjá umsjónarkennara viðkomandi. Gætið þess vel að skrifa nafn ykkar og kennitölu á mætingamiðablaðið. Þeir sem ekki skila mætingarmiðum fá skráðar fjarvistir!

Að kvöldi fyrsta mars verður söngvakeppnin okkar haldin í fyrsta sinn í Hátíðarsal FÁ og þar munum við velja okkar fulltrúa í landskeppnina. Um kvöldið þann þriðja mars er síðan mjög metnaðarfull tískusýning í Hátíðarsalnum þar sem flottir íslenskir fatahönnuðir munu sýna hvers þeir eru megnugir. Hinn geðþekki Haffi Haff verður kynnir tískusýningarinnar! Endilega notið tækifærið og mætið á báða þessa viðburði – kostar ekkert, bara gaman!

Knúsum skólann okkar á Árdögum!