Áfangi
Samskipti-heilbrigðisgreinar
- Áfangaheiti: SASK2SS05
- Undanfari: Æskilegt er að nemandi sé búinn með a.m.k. 3 annir í framhaldsskóla. Nemandi sem tekur áfangann í fjarnámi þarf að vera orðinn 22 ára.
Markmið
Áhersla áfangans er á samskipti fólks í heilbrigðisþjónustu. Farið er í áhrif sjálfsmyndar og sjálfstrausts á samskipti og hvað heilbrigðisstarfsmenn þurfa að hafa í huga í samskiptum við skjólstæðinga, samstarfsfólk og aðstandendur. Fjallað er um mikilvægi samkenndar, jafnréttis, mannvirðingar og mannréttinda í samskiptum. Farið er í eflandi samskipti sem byggja á virðingu og fordómaleysi á jafnréttisgrundvelli. Fjallað er um menningarlegan mun í samskiptum. Sérstök áhersla er á fagleg samskipti, teymisvinnu og forystu heilbrigðisstarfsmanna.
Námsfyrirkomulag
Fyrirlestrar, verkefnavinna og umræður.
Kennslugögn
Kennari gefur upp námsgögn í upphafi annar.
Námsmat
Símat með lokaprófi. Verkefni í ýmsu formi. Umræður á moodle. Sjá nánar í kennsluáætlun hverju sinni.