Fjölbrautaskólinn við Ármúla

Nýnemaferð 2026

Fri, 11 Sep 2026 09:25:00 +0000

Nýnemaferð Fjölbrautaskólans við Ármúla var haldin miðvikudaginn 9. september og var ferðinni að þessu sinni heitið í Skopp að ósk nemendafélagsins. Nýnemar mættu hressir og kátir, hoppuðu upp í rútu og brunuðu af stað. Í Skopp gafst þeim kostur á að prófa fjölbreyttar afþreyingar, þar á meðal risastóran trampólíngarð, karókí herbergi, skotbolta, klifurvegg, Pixel-leiki, fótboltavöll og margt fleira. Meðlimir nemendafélagsins voru duglegir að ganga á milli hópa og draga nýnema inn í ýmsa leiki og hópefli. Nemendur voru mjög áhugasamir um að prófa nýja hluti, taka virkan þátt og kynnast samnemendum sem þeir höfðu jafnvel ekki talað við áður. Boðið var upp á pizzu og gos í hádeginu og því fór enginn svangur heim. Nýnemum gafst einnig kostur á að bjóða sig fram sem nýnemafulltrúar í nemendafélagið og hafa um 30 nýnemar þegar sótt um. Í heildina litið gekk ferðin mjög vel. Nýnemar fengu tækifæri til að kynnast samnemendum sínum betur, eiga skemmtilega stund saman og styrkja félagsleg tengsl sín fyrir komandi skólaár.

Guli dagurinn

Thu, 10 Sep 2026 11:48:00 +0000

Starfsfólk FÁ tók þátt í gula deginum sem er í dag, 10. september Gulur september er samvinnuverkefni stofnana og félagasamtaka sem vinna saman að geðrækt og sjálfsvígsforvörnum. Það er von undirbúningshópsins að gulur september auki meðvitund fólks um mikilvægi geðræktar og sjálfsvígsforvarna. auk þess að vera til merkis um kærleika, aðgát og umhyggju.

FÁ tók þátt í treyjudeginum

Fri, 04 Sep 2026 17:38:00 +0000

Á Treyjudeginum, þann 4. september, klæðist fólk uppáhalds treyjunni sinni til stuðnings börnum með krabbamein. Er þetta einföld og skemmtileg leið fyrir vinnustaði, skóla og íþróttafélög til að sýna stuðning í verki. Það er styrktarfélagið Börn með krabbamein sem stendur að deginum en félagið styður börn með krabbamein og fjölskyldur þeirra með fjölbreyttum hætti. Dagurinn var fyrst haldinn á Englandi árið 2013 en fljótlega bættust Noregur, Svíþjóð og Danmörk við og nú Ísland. Nemendur og starfsfólk FÁ tók að sjálfsögðu þátt í deginum og sýndi stuðning í verki við þetta þarfa málefni.

Fréttabréf FÁ - ágúst 2026

Thu, 20 Aug 2026 09:34:00 +0000

Fyrsta fréttabréf FÁ skólaárið 2026 - 2027 er komið út.

Skráning í haustfjarnám

Wed, 19 Aug 2026 08:03:00 +0000

Innritun í fjarnám á haustönn 2026 er hafin. Kennslan hefst svo 2.september

Upphaf haustannar 2026

Fri, 07 Aug 2026 11:25:00 +0000

Nú er starfið að komast í fullan gang í skólanum eftir sumarleyfi og erum við öll spennt að hitta nemendur eftir gott sumarfrí.

Innritun nýnema lokið

Fri, 19 Jun 2026 15:52:00 +0000

Innritun í framhaldsskóla landsins er nú lokið og umsækjendur geta séð stöðu umsókna sinna á Stafrænu Íslandi. Það gleður okkur að segja frá því að 225 nemendur sem voru að ljúka grunnskóla hafa fengið skólavist í FÁ, auk þess eru eldri nemendur sem hafa fengið skólavist í FÁ í haust 113 talsins. Útlit er því fyrir að um 920 nemendur muni stunda nám í FÁ í dagskóla á næstu önn.

Nýstúdent úr FÁ bar blómsveig að minnisvarða Jóns Sigurðssonar

Wed, 17 Jun 2026 15:05:00 +0000

Daniel do Carmo Njarðarson, nýstúdent frá Fjölbrautaskólanum við Ármúla, var þess heiðurs aðnjótandi að taka þátt í hátíðarhöldunum á Austurvelli í tilefni af 82 ára afmæli lýðveldisins. Með honum í athöfninni var Eyrún Freyja Andradóttir, nýstúdent frá Menntaskóla Borgarfjarðar.

FÁ-ingar með námskeið í kvikmyndagerð í Grundaskóla

Thu, 11 Jun 2026 19:21:00 +0000

FÁ-ingarnir Ingigerður Bergvinsdóttir, Brynjar Orri Smith og Steinn Torfi Ólafsson héldu námskeið í kvikmyndagerð í Grundaskóla á Akranesi um helgina. Námskeiðið gekk afar vel og ætla má að myndirnar sem krakkarnir gerðu á námskeiðinu verði sýndar á Kvikmyndahátíð Grundarskóla sem fer fram núna í vikunni. Þetta er í annað sinn sem nemendur úr FÁ halda námskeið í Grundaskóla í tengslum við kvikmyndahátíðina. Á myndinni má sjá þau Ingu, Brynjar og Stein ásamt nemendum á námskeiðinu.

Ný tölvuleikjalína í FÁ

Fri, 05 Jun 2026 11:50:00 +0000

Tölvuleikir eru ein stærsta afþreyingar- og skapandi grein heims og áhrif þeirra ná langt út fyrir skjáinn. Þeir tengjast tækni, listum, hönnun, sagnagerð, samskiptum og nýsköpun. Í haust býður Fjölbrautaskólinn við Ármúla upp á nýja Tölvuleikjalínu innan Nýsköpunar- og listabrautar, þar sem nemendur fá tækifæri til að skoða tölvuleiki í víðari samhengi.

Skólaheimsókn til Ítalíu

Thu, 04 Jun 2026 09:59:00 +0000

Þann 25. maí hélt 60 manna hópur kennara og starfsmanna í FÁ til Rómar í Ítalíu. Tilgangur ferðarinnar var að kynna sér starfið í tveim skólum í borginni Ferentino og í Róm. Tveir ólíkir en flottir skólar sem gaman var að heimsækja.

Útskrift vor 2026

Fri, 22 May 2026 11:51:00 +0000

Það var bæði létt yfir og hátíðlegt þegar Fjölbrautaskólinn við Ármúla útskrifaði nemendur sína í dag. Fjölskyldur, vinir og starfsfólk komu saman til að fagna með útskriftarnemum sem nú hverfa út í ný framtíðarverkefni.

Skráning hafin í sumarfjarnám

Fri, 22 May 2026 09:40:00 +0000

Innritun í fjarnám á sumarönn við FÁ er hafin og stendur yfir til 5. júní. Önnin hefst svo 9. júní Alls eru hátt í 90 áfangar í boði á sumarönn 2026 og hvetjum við alla til að kynna sér námsframboðið hér. Hægt er að skrá sig í fjarnámið hér.

This War of Mine og heimsókn frá pólska sendiráðinu

Thu, 07 May 2026 12:39:00 +0000

Hvernig geta tölvuleikir hjálpað okkur við að setja okkur í spor annara, aukið samkennd og skilning á aðstæðum sem við þekkjum ekki? Þessum spurningum veltu nemendur í Yndisspilun fyrir sér eftir að hafa spilað leikinn This War of Mine.

Sérnámsbraut á ferð og flugi

Wed, 06 May 2026 10:55:00 +0000

Nemendur á sérnámsbraut hafa verið duglegir að fara í ýmsar vettvangsferðir undanfarið. Um daginn kíktu þau í Hörpu og fengu góða leiðsögn um húsið. Þau fengu að sjá alla salina og kíkja aðeins baksviðs og einnig náðu þau að sjá sinfoníuhljómsveitina spila. Svo kíktu þau í Ásmundarsafn sem er alltaf ævintýri. Hér má sjá myndir frá heimsóknunum:

Skuggakosningar í FÁ

Mon, 04 May 2026 11:37:00 +0000

Í síðustu viku fóru fram Skuggakosningar í framhaldsskólum landsins og að sjálfsögðu tókum við í FÁ þátt. Skuggakosningar eru kosningar þar sem framhaldsskólanemar kjósa sína fulltrúa í sveitarstjórnarkosningum og munu endurspegla vilja nemenda um allt land. Frambjóðendur 11 stjórnmálaflokka sem bjóða fram í Reykjavík komu í heimsókn í skólann á þriðjudaginn 28. apríl, kynntu málefni sín og sátu fyrir svörum. Nemendur í heimspeki og félagsfræði kenninga sáu um skipulag og stjórnun fundarins og fór hann mjög vel fram. Nemendur komu með frábærar spurningar og voru vel undirbúin. Skuggakosningarnar sjálfar fóru svo fram á Steypunni, miðvikudaginn 29. apríl, en nemendur sem voru fæddir 15. maí 2024 og síðar voru á kjörskrá. Kosningarþátttaka var 19%. Vonandi verður kosningaþátttaka ungs fólks heldur meiri í sveitarstjórnarkosningunum sem fara fram 16. maí og óskum við nýjum kjósendum til hamingju með kosningaréttinn.

Umhverfisfréttafólk

Mon, 04 May 2026 09:51:00 +0000

Á ári hverju býðst ungu fólki í grunn- og framhaldsskólum að taka þátt í samkeppni á vegum Landverndar. Samkeppnin ber heitið Umhverfisfréttafólk og snýst um að koma umhverfismáli að eigin vali á framfæri við almenning með fjölbreyttum leiðum. Nemendur í ljósmyndavali í FÁ - LJÓS2SM05 undir stjórn Jeannette Castioni, tóku myndir og unnu þær og sendu í keppnina. Alls voru tvö verkefni frá FÁ en 15 framhaldsskólar tóku þátt í þessu verkefni Verðlaunaathöfn keppninnar fór fram á mánudaginn 27. apríl í húsakynnum Landverndar. Loki Úlfur Skarphéðinsson nemandi í FÁ fékk viðurkenningu fyrir listsköpun fyrir ljósmyndina sína “Beings of the Dawn”. Ingigerður Anna Bergvinsdóttir var með 2 ljósmyndir í keppninni og sem kallast „Bernska úr plasti“. Mjög áhugaverðar og frumlegar myndir. Hér má sjá fleiri úrslit í keppninni: https://graenfaninn.is/2026/04/30/sigurvegarar-i-umhverfisfrettafolki-2026/ Innilegar hamingjuóskir Loki Úlfur

Umræða um framtíð kvikmynda

Thu, 30 Apr 2026 08:49:00 +0000

Á föstudaginn síðastliðinn, þann 24.apríl, fór Kvikmyndaráð FÁ í heimsókn í Háskólabíó og tók þátt í umræðuviðburði ásamt fulltrúum kvikmyndafræðideilda HÍ og LHÍ, þeim Birni Þór Vilhjálmssyni og Guðrúnu Elsu Bragadóttur. Umræðuviðburðurinn markaði endapunkt á reglulegum samræðufundum sem kvikmyndaráð hefur haldið á vorönninni. Samhliða þessu unnu nemendur skriflegt verkefni um stöðu og framtíð kvikmynda í ljós nýrrar tækni. Helstu niðurstöður nemenda verða teknar saman í skýrslu og kynntar fulltrúum Kvikmyndamiðstöðvar.

Vel heppnuð Tyrklandsferð

Wed, 29 Apr 2026 09:07:00 +0000

Fimm manna hópur frá Fjölbrautaskólanum við Ármúla heimsótti borgina Eskişehir í Tyrkland í seinustu viku til að fræðast um möguleika gervigreindar í námi og kennslu. Ferðin var liður í Erasmus-verkefninu We Shape the Future: Integrating AI, AR and VR in Education þar sem möguleikar sýndarveruleika, gagnaukins veruleika og gervigreindar eru skoðaðir með áherslu á STEM-greinar. Í Tyrklandi unnu nemendur frá Íslandi, Grikklandi og Tyrklandi saman í verkefnum þar sem gervigreind var notuð í eðlisfræði og efnafræði. Þátttakendur verkefnisins fengu einnig fræðslu um almenna notkun gervigreindar. Farið var í dagsferð þar sem borgirnar Bursa og Iznik voru skoðaðar og bragðað á tyrkneskum mat, farið á útimarkaði, heimsótt moskur, nýlistasafn, fornminjasöfn og skoðað grafhýsi Osman Gazi, stofnanda Tyrkjaveldis.

FÁ á Vörumessu

Tue, 21 Apr 2026 15:08:00 +0000

Vörumessa á vegum JA Iceland var haldin í Smáralindinni um síðustu helgi, 17. og 18. apríl síðastliðinn. Þar tóku nemendur í framhaldsskólum landsins þátt í Fyrirtækjasmiðju Ungra frumkvöðla sem er nýsköpunarkeppni framhaldsskólanna. Nemendur í áfanganum Nýsköpun – frá hugmynd til markaðssetningar í FÁ, undir leiðsögn kennarans Róberts Örvars Ferdinandssonar tóku þátt í sýningunni og kynntu þar fjölbreyttar og áhugaverðar vörur sem vöktu athygli og áhuga gesta í Smáralindinni.