Áfangi
Erfðafræði
- Áfangaheiti: LÍFF3EF05
- Undanfari: LÍFF2LE05
Markmið
Meginmarkmið eru að nemendur: Þekki lögmál erfðafræðinnar og geti reiknað dæmi í tengslum við þau. Þekki lykilhugtök erfðafræðinnar og vinni með þau á margvíslegan hátt Kynnist aðferðafræði rannsókna erfðaefnis Kynnist því hvernig þekking í erfðafræði er nýtt í daglegu lífi og við meðhöndlun á ýmsum sjúkdómum Þjálfist í að fjalla um siðfræðileg álitamál erfðatækninnar
Efnisatriði
Mendelskar erfðir, tengd og ótengd gen. Stofnerfðafræði. Frumuskiptingar og frumuhringur. Sameindaerfðafræði, gerð og starfsemi erfðaefnis og litninga, erfðalykillinn og próteinmyndun. Erfðatækni, DNA einangrun, skerðing, tenging og rafdráttur. PCR mögnun, raðgreining, þáttapörun, genaferjur, tjáningarferjur, genasöfn, líftækni og arfgerðargreiningar. Erfðasjúkdómar mannsins, krabbamein, stofnfrumur og genalækningar.
Námsfyrirkomulag
Námsfyrirkomulag byggir á innlögn kennara og þátttöku nemenda í umræðum í kennslustundum. Einnig á virkri þátttöku nemenda í verklegum æfingum og verkefnavinnu
Kennslugögn
Upplýsingar hjá kennara.
Námsmat
1. Skilaverkefni og skýrslur: 30%. 2. Hlutapróf: 15%. 3. Raunmæting í kennslustundir: 5% 4. Lokapróf: 50%. Til að standast áfangann þarf að fá að lágmarki 4,5 á lokaprófi.