Árdagur og söngkeppni framundan
Á fimmtudaginn, 2.mars verður Árdagur haldinn í FÁ. Árdagur er árlegur þemadagur þar sem skóladagurinn er brotinn upp og í stað hefðbundinnar kennslu skemmta nemendur og starfsfólk sér saman.
Nemendur skrá sig í hópa og leysa þrautir sem starfsfólk eru búið að undirbúa. Í hádeginu er svo tónlistar- og söngkeppni FÁ og síðan verður pizzuveisla í boði fyrir nemendur.
Áætlun dagskrá:
8:30 Nemendur mæta og fara hitta sinn hóp í heimastofu.
8:45 Hópurinn leggur af stað í þrautaleiðangur, 15 þrautastöðvar sem starfsfólk er búið að undirbúa.
11:30 Hlé - Nemó býður upp á muffins.
12:00 Tónlistar- og söngkeppni FÁ hefst.
12.30 Hlé - pizzur í boði og vinningsliðið kynnt.
12.50 Söngkeppni heldur áfram.
13.30 Áætluð lok og sigurvegari kynntur.
Skráning:
Skráning í lið er hafin og stendur fram til miðvikudagsins 1.mars. Yfir 20 lið eru í boði í mismunandi litum. Nemendur eru svo hvattir til að mæta í þemalit síns liðs á Árdeginum.
Nemendur sem mæta á Árdaginn og taka þátt í dagskránni fá 6 fjarvistarstig dregin frá í lok annar.
Þrautir:
Starfsfólk og deildir útbúa skemmtilegar þrautir. Liðin fara síðan á milli deilda og taka þátt í þrautum og safna stigum. Stigahæsta liðið stendur svo uppi sem sigurvegari og fá allir í liðinu bíómiða í verðlaun.
Tónlistar- og söngkeppni FÁ hefst kl. 12:00 á Árdeginum. 9 frábær atriði keppa að þessu sinni. Sigurvegari keppninnar fer fyrir hönd FÁ í Söngkeppni framhaldsskólanna sem verður haldin 1. apríl. Jón Jónsson verður kynnir og tekur nokkur lög.