Fréttir

Fjarkennsla í næstu viku

3.10.2020

Ágætu nemendur og forráðamenn,

 

Í ljósi þess að smitum hefur fjölgað mikið í samfélaginu höfum við tekið þá ákvörðun að öll kennsla, fyrir utan kennslu nemenda á sérnámsbraut, verði áfram í fjarnámi í næstu viku.

 

Nemendur, aðrir en þeir sem eru á sérnámsbraut, eiga því ekki að mæta í skólann á mánudaginn eins og ráðgert var. Kennt verður samkvæmt stundaskrá á Teams og við hvetjum nemendur til að mæta vel í Teams tímana og stunda námið áfram af kappi.

 

Um leið og eitthvað breytist munum við setja inn fréttir á heimasíðu skólans og samfélagsmiðla. Nemendur sem ekki hafa aðgang að tölvum er bent á að senda póst á skrifstofa@fa.is.

 

Með góðri kveðju,
Magnús Ingvason, skólameistari
og Kristrún Birgisdóttir, aðstoðarskólameistari