Ársskýrsla 2017/2018
Ársskýrsla
bókasafns Fjölbrautaskólans við Ármúla
Skólaárið 2017-2018
Starfsmenn
Kristín
Björgvinsdóttir forstöðumaður í fullu starfi til 31. okt. Í hálfu starfi sem bókasafns-fræðingur eftir
það. Þóra Kristín Sigvaldadóttir
forstöðumaður í fullu starfi frá 1. nóv.
Fram að því bókasafnsfræðingur í fullu starfi.
Starfsemi (tölur í
svigum frá síðasta ári)
Notendur: Nemendur í dagskóla
voru á haustönn 963 (880) en á vorönn 864 (830). Fjarnemendur
á haustönn voru 1269 (1136) en 1162 (1060) á vorönn.
Starfsmenn skólans eru 106 (105).
Safnið
er opið: Mánudaga - fimmtudaga
kl. 8:00 - 16:30 og föstudaga kl. 8:00 - 15:00.
Eins og ávallt í byrjun haustannar voru allar bókahillur safnsins þrifnar og farið yfir bókakostinn. Á vorönn var gerð hillutalning sem fól í sér að bera saman skráð eintök í Gegni við eintök í hillum bókasafnsins og í útláni. Í framhaldinu voru afskrifuð þau gögn sem fundust ekki og hafa verið týnd frá síðustu hillutalningu. Nýjum bókum er stillt upp á hringekju í miðju safninu til að vekja athygli nemenda og starfsmanna á þeim. Til að hvetja til aukins lesturs er bókum og öðru efni sérstaklega stillt upp í tengslum við viðburði eins og Dag íslenskrar tungu, afhendingu Íslensku bókmenntaverðlaunanna, Bókasafnsdaginn og Bókmenntahátíð í Reykjavík.
Safnkostur
Safnkostur
bókasafnsins er skráður og lánaður út í Gegni, landskerfi bókasafna en hann er
eftirfarandi.
Bókaeign: 12302
(12023) eintök, 10956 (10749) titlar eftir afskriftir.
Timarit: 52 (54) tímarit berast
reglulega, sum án þess að greitt sé fyrir þau.
Nýsigögn: 1430 eintök (1414): 317
myndbönd, 61 hljóðsnældur, 11 skyggnusett, 146 hljómplötur og -diskar, 120 kort,
28 tölvuforrit, 1 glærusett,
57 margmiðlunardiskar, 687 mynddiskar og 2
spilasett.
Afskriftir: 57 (75) eintök bóka,
1 snælda, 2 hljómdiskar.
Aðföng bóka: 336 eintök (200),
þ.e. fyrir afskriftir.
Gjafir: 52 eintök (66).
Útlán
2632
(1048), innanhússlán 2116 (1852),
millisafnalán 21 (36).
Rekstrarkostnaður
Rekstrarkostnaður | 2016 | 2017 |
Bækur, tímarit og annað safnefni | 776.034 | 904.259 |
Gegnir - bókasafnskerfi | 490.968 | 446.952 |
Gagnasöfn og vefbækur | 379.401 | 364.909 |
Annar kostnaður | 108.134 | 111.445 |
Samtals: | 1.754.537 | 1.827.565 |
Gagnasöfn og vefbækur
Bókasafnið tekur
þátt í að greiða fyrir landsaðgang að rafrænum tímaritum og gagnasöfnum í
gegnum vefinn hvar.is. Bókasafnið greiðir fyrir áskrift að
vefbókasafninu snara.is ásamt ordabok.is og er aðgangur opinn
öllum í skólanum.
Húsnæði
Á haustönn var
innblástursrör viftu í austurenda safnsins einangrað ásamt hluta loftsins. Við það minnkaði hávaði frá viftunni sem
hefur lengi angrað nemendur. Þrátt fyrir
úrbætur kvarta nemendur enn yfir hávaða frá viftunni.
Búnaður
Tölvur sem standa nemendum til boða á safninu voru uppfærðar á
vorönn. Fartölvur sem fengnar voru á
safnið eru talsvert notaðar og hefur notkun þeirra aukist. Í upphafi haustannar var keypt öflugt
hleðslutæki til að hlaða nokkur tæki í einu.
Nemendur nýta sér talsvert þá þjónustu að láta hlaða snjalltæki fyrir
sig. Lesstofan skáhallt á móti
bókasafninu var tekin aftur í notkun í maí.
Pólska sendiráðið færði skólanum að gjöf 10 bækur.
Notendafræðsla
Nokkrir hópar fengu kynningu á bókasafninu auk tilsagnar í upplýsingaleit og
heimildanotkun (1 klst.). Nemendur í
upplýsingatækni UPPÆ1R05 alls fjórir hópar fengu safnkennslu og gerðu
leitarverkefni í Gegni (2 klst.). Nemendur í kennsluréttindanámi við skólann
fengu tilsögn í því hvernig nýta má safnið í kennslu og þeim bent á möguleika í
samstarfi bókasafnsfræðinga og kennara. Auk þess var fjallað um upplýsingalæsi og nýja
aðalnámskrá (2 klst.).
Almannatengsl
Gestum sem koma í heimsókn í skólann er oftast boðið að skoða
safnið. Þjónusta bókasafnsins var kynnt
fyrir nemendum í móttöku fyrir nýnema bæði á haust- og vorönn. Þegar skólinn er kynntur fyrir foreldrum
nýnema er bókasafnið opið og koma gjarnan umsjónarkennarar með foreldra og er þeim
þá kynnt starfsemi safnsins. Í tilefni
af útgáfu bókarinnar Eine Märchen- und Sagenreise
– Island eftir
Helmut Hinrichsen gæðastjóra skólans var haldið útgáfuteiti á bókasafninu
5. desember. Opið hús var í skólanum 14.
mars og gáfu gestir sér tíma til að
skoða safnið. Við útskrift 25. maí var nokkrum
afmælis-árgöngum boðið. Gengið var með
gesti um skólann og komið við á bókasafninu. Voru þá skoðaðar úrklippubækur frá félagslífi
nemenda í gegnum árin.
Á heimasíðu bókasafnsins er að finna
upplýsingar um starfsemi safnsins svo sem afgreiðslutíma, safnkost, tengla á gagnlegt
rafrænt efni og ýmsar leiðbeiningar um heimildaleit og heimildaskráningu.
Kennsla,
námskeið, fundir ofl.
Kristín kenndi
eins og undanfarin ár SKJA1SV02 í fjarnámi á vorönn. Þóra Kristín fór á 12 klst. skyndihjálparnámskeið
ásamt nemendum Heilbrigðisskólans sem haldið var í skólanum. Þóra Kristín sótti málþingið Samstarf og
samstaða sem Upplýsing, félag
bókasafns- og upplýsingafræða stóð fyrir og kynningar- og samráðsfund vegna
vals á nýju bókasafnskerfi sem Landskerfi sá um. Þóra Kristín fór einnig á fræðslufund
skrásetjara á vegum Landskerfis bókasafna.
Þá sótti hún tvo morgunfræðslufundi Upplýsingar og fræðslufund á vegum
Þjóðarbókhlöðunnar um hugbúnaðinn Turnitin.
Þóra Kristín sótti kynningu á alfræðiritinu Britannica School Online sem
haldin var í MH. Samstarf hefur helst
verið við bókasafnsfræðinga í öðrum framhaldsskólum og sækja báðir
bókasafnsfræðingar þá fundi ef kostur er. Einn fundur vetrarins var haldin hér í
skólanum í mars. Báðir bókasafnsfræðingar
safnsins sækja starfsmannafundi FÁ. Í maí
fóru Kristín og Þóra Kristín ásamt 15 öðrum bókasafnsfræðingum í
framhaldsskólum í fræðsluferð til Amsterdam og nágrenni til að skoða skóla og bókasöfn. Fenginn var styrkur frá Erasmus+ til
ferðarinnar. Ferðin heppnaðist í alla staði vel og var einkar áhugaverð og fræðandi. Mikill metnaður er í starfssemi skólanna og
safnanna og vel tekið á móti okkar.
Annað
Starfið í vetur hefur almennt gengið
vel. Notendur safnsins eru duglegir að
nýta sér aðstöðu bókasafnsins og þá þjónustu sem er í boði. Útlán hafa aukist á árinu sem
er ánægjulegt þar sem útlánatölur hafa dregist talsvert saman síðastliðin ár og
er það staðreynd sem flest bókasöfn þurfa að horfast í augu við. Bókasafnsfræðingum framhaldsskólanna ber flestum
saman um að nemendur séu í auknum mæli með náms– og kjörbækur í snjalltækjum
sínum. Mikil vinna fór í að laga og færa
skráningu bókalista í Innu í nútímalegt horf.
Bókasafnið mun framvegis sjá um að uppfæra bókalistann.
Reykjavík 7. júní 2018
Þóra
Kristín Sigvaldadóttir