Ársskýrsla 2021/2022
Ársskýrsla bókasafns Fjölbrautaskólans við Ármúla
Skólaárið 2021-2022
Starfsmenn
Þóra Kristín
Sigvaldadóttir forstöðumaður í fullu starfi.
Starfsemi (tölur í
svigum frá síðasta ári)
Notendur: Nemendur í dagskóla
voru á haustönn 859 (907) en á vorönn 760 (853). Fjarnemendur
á haustönn voru 1.076 (1.274) en 1.295 (1.346) á vorönn. Starfsmenn skólans eru
109(108).
Safnið
er opið: Mánudaga - fimmtudaga kl. 8:00 - 16:30 og föstudaga
kl. 8:00 -15:00.
Eins og ávallt í byrjun haustannar voru allar bókahillur safnsins þrifnar og bókakostur yfirfarinn. Nýjum bókum er stillt upp á hringekju í miðju safninu til að vekja athygli nemenda og starfsmanna á þeim. Til að hvetja til aukins lesturs er bókum og öðru efni sérstaklega stillt upp í tengslum við viðburði eins og Dag íslenskrar tungu, afhendingu Íslensku bókmenntaverðlaunanna, Bókasafnsdaginn og Bókmenntahátíð í Reykjavík.
Safnkostur
Safnkostur
bókasafnsins er fjölbreyttur og er hann skráður og lánaður út í Gegni,
landskerfi bókasafna en hann er eftirfarandi.
Bókaeign: 12.130 (11.902) eintök, 10.751 (10.704)
titlar eftir afskriftir.
Timarit: 50 (50) tímarit berast reglulega, sum án
þess að greitt sé fyrir þau.
Nýsigögn: 1.292 eintök (1301): 186
myndbönd, 58 hljóðsnældur, 11 skyggnusett, 132 hljómplötur og -diskar, 120
kort, 19 tölvuforrit, 1 glærusett, 18 margmiðlunardiskar, 734 mynddiskar og 13
spilasett.
Afskriftir: 127 (304) eintök bóka,
1 mynddiskur, 1 tölvuforrit, 10 hljómdiskar og 16 margmiðlunardiskar.
Aðföng bóka: 228 eintök (242)
þ.e. fyrir afskriftir.
Gjafir: 25 eintök (48).
Útlán
Útlán
voru alls 4.714 þar af innanhússlán 2.826. Millisafnalán voru 25.
Rekstrarkostnaður | 2020 | 2021 |
Bækur, tímarit og annað safnefni | 998.867 | 913.041 |
Gegnir – bókasafnskerfi | 530.748 | 558.600 |
Gagnasöfn og vefbækur | 318.986 | 301.872 |
Annar kostnaður | 180.811 | 208.309 |
Samtals: | 2.029.412 | 2.008.309 |
Gagnasöfn og vefbækur
Bókasafnið tekur þátt í að greiða
fyrir landsaðgang að rafrænum gagnasöfnum í gegnum vefinn hvar.is. Bókasafnið
greiðir fyrir áskrift að vefbókasafninu snara.is og er aðgangur opinn öllum í skólanum.
Engar endurbætur voru gerðar á húsnæði safnsins á árinu.
Búnaður
Í
október voru keyptir þrír hleðslubankar vegna aukinnar eftirspurnar hjá
nemendum. Á skólaárinu bættust við
átta fartölvur sem lánaðar eru nemendum innan skólans. Á safninu eru nú alls 15
fartölvur sem nemendur hafa aðgang að og eru þær mikið notaðar. Þóra Kristín
fékk nýja fartölvu í maí.
Notendafræðsla
Þjónusta
bókasafnsins var kynnt fyrir nemendum í móttöku fyrir nýnema bæði á haustönn. Á
haustönn fengu nemendur í lífsleikni alls átta hópar fræðslu um skipulag
safnsins og þjónustu auk tilsagnar í upplýsingaleit, heimildanotkun og leystu verkefni
í bókasafnskerfinu Gegni og fleiri gagnagrunnum (2 klst.). Nemendur í UPPÆ1SR05
alls átta hópar fengu safnkennslu og leystu einnig verkefni í Gegni (2 klst.).
Nemendur í TAMS3TT05 fengu tilsögn í vali á heimildum og áreiðanleika heimilda
auk kennslu í upplýsingaöflun með áherslur á gagnagrunna í heilbrigðisgeiranum
(1 klst.). Á vorönn fengu tveir hópar í ÍSLE2HMO5 tilsögn í heimildaleit, vali á
heimildum og áreiðanleika heimilda (1 klst.).
Nemendur í kennsluréttindanámi fengu tilsögn í því hvernig nýta má safnið í kennslu og þeim bent á möguleika í samstarfi bókasafnsfræðinga og kennara. Auk þess var fjallað um upplýsingalæsi (1 klst.).
Almannatengsl
Gestum sem koma í heimsókn í skólann er oftast boðið að skoða
safnið. Þegar skólinn er kynntur fyrir foreldrum nýnema er bókasafnið opið og er
þeim þá sagt frá starfsemi safnsins. Heimasíða bókasafnsins er í virkri endurskoðun. Þar er
að finna upplýsingar um starfsemi safnsins svo sem afgreiðslutíma, safnkost,
tengla á gagnlegt rafrænt efni og ýmsar leiðbeiningar um heimildaleit og
heimildaskráningu. Þóra Kristín sat fyrir svörum tveggja sérfræðinga vegna ytri
úttektar á starfsemi skólans þann 25. mars.
Opið hús var í skólanum 29. mars og gáfu gestir sér tíma til að skoða safnið.
Kennsla, námskeið, fundir ofl.
Þóra Kristín kenndi áfangann SKJA1SV02 í fjarnámi á vorönn og
sótti landsfund Upplýsingar sem haldinn var í Edinborgarhúsinu á Ísafirði
dagana 23.-24. september. Samstarf hefur helst verið við bókasafnsfræðinga í öðrum
framhaldsskólum sem funda reglulega yfir veturinn. ÞKS tók að sér að vera trúnaðarmaður í SBU fyrir
hönd framhaldsskólahópsins ásamt Elínu Kr. Guðbrandsdóttur í FSU. Bókasafnsfræðingur
sér um að uppfæra bókalista í Innu. ÞKS fór í vel heppnaða skólaheimsókn til Toronto með starfsmönnum FÁ í
lok vorannar. Í byrjun júní fór Þóra Kristín ásamt 13 öðrum bókasafnsfræðingum í framhaldsskólum í fræðsluferð til
Helsinki og nágrenni til að skoða skóla og bókasöfn auk listasafna. Fenginn var
styrkur frá Erasmus+ til ferðarinnar. Ferðin heppnaðist í alla staði vel og
var einkar áhugaverð og fræðandi.
Annað
Starfið í vetur hefur
gengið vel. Notendur safnsins eru duglegir að nýta sér aðstöðu bókasafnsins og
þá þjónustu sem er í boði. Bókasafn FÁ
ber fyrst og fremst að þjóna nemendum og starfsfólki skólans. Þarfir nemenda og
starfsfólks eru jafn margvíslegar og einstaklingarnir eru margir.
Bókasafnið er staður sem nemendur og starfsfólk koma til að grípa í áhugavert efni, slaka á eða sinna áhugamálum og námi á milli tíma. Vellíðan safngesta skiptir því miklu máli í bókasafnsumhverfinu sem og öðru námsumhverfi. Bókasafnið er mikilvægur þáttur í fjölbreyttu skólastarfi og mun halda áfram að vaxa og þroskast í takt við breyttar þarfir í því upplýsingasamfélagi sem við búum í. Það að virkja gagnrýna hugsun í vali á efni svo sem rafrænu og prentuðu heldur áfram að vera okkar helsta áskorun.
Reykjavík 13. júní 2022
Þóra Kristín Sigvaldadóttir