Námsfyrirkomulag

Fjarnám í FÁ er alfarið nám á netinu og eru allir áfangar settir upp í námsumsjónarkerfinu Blackboard. Smelltu hér til þess að átta þig á í hverju það felst.

• Hver nemandi fær aðgang að þeim áföngum sem hann er skráður í. Á svæðinu eru m.a.:
• Upplýsingar m.a. um kennsluáætlun, námsefni, námsmarkmið og námsmat .
• Gagnvirk próf og æfingar og vettvangur til að skila ritgerðum eða öðrum verkefnum.
• Þar er hægt að hafa samskipti við kennara og samnemendur.
• Alls er boðið upp á 125 áfanga í fjarnámi á tveimur önnum á ári, vorönn frá janúar til maí og haustönn frá september til desember. Hvor önn er um 12 vikur auk 2ja prófavikna.
• Gert er ráð fyrir að nemendur geti tekið allt að 9 einingum á önn. Hægt er að sækja um undaþágu frá þessari reglu ef aðstæður eru þannig að nemendur telji sig ráða við meira nám. Sækja þarf um undanþágu til fjarnámsstjóra.
• 3ja eininga áfangi samsvarar u.þ.b. 9 klst. vinnu á viku og fyrir þá sem eru að hefja nám eftir hlé má reikna með meiri tíma.
• Sjálfsagi er mikilvægur því að hluta til er fjarnám sjálfsnám þar sem ekki er hægt að fá svör fá kennurum strax og spurningar vakna. Það er því mikilvægt að lesa allar leiðbeiningar vel, hafa tímasetningar í heiðri og leysa öll verkefni sem fyrir eru lögð. Vakni spurningar sem ekki eru svör við í námsumhverfinu er hægt að senda fyrirspurn til kennara og ber honum að svara innan tveggja sólarhringa.
• Þjónusta við nemendur með greinda lestrarerfiðleika. Sjá heimasíðu Bindrabókasafnsins.
  

Markmið með fjarnámi:

Markmiðið með því að bjóða upp á fjarnám er að gefa sem flestum kost á því að stunda framhaldsnám óháð stað og stund.

• Markmiðið með því að bjóða upp á fjarnám er að gefa sem flestum kost á því að stunda framhaldsnám óháð stað og stund.
• Nemendur sem stunda nám í öðrum framhaldsskólum geta tekið áfanga í fjarnámi og þannig stytt leiðina að lokaprófi. Gott er að ganga úr skugga um að áfanginn sé metinn í viðkomandi skóla áður en skránig fer fram.
• Námið er fyrst og fremst hugsað sem sjálfsnám undir handleiðslu kennara. Það kefst mikils aga og skipulagningar af hálfu nemenda og kennara.
• Hægt er að ljúka stórum hluta af einingum til stúdentsprófs í fjárnámi. Skoðið þá braut sem þið eruð á.
• 1. Félagsfræðabraut
• 2. Málabraut
• 3. Náttúrufræðabraut
• 4. Viðskipta- og hagfræðibraut
• 5. Lyfjatæknabraut
• 6. Læknaritarabraut
• 7. Nuddbraut
• 8. Sjúkraliðabraut
• 9. Tanntæknabraut
• 10. Hjúkrunar- og móttökuritarabraut

Samskipti:

• Samskipti við kennara fara fram í Blackboard og þar er einnig að finna námsáætlanir, verkefni, próf og fleira sem skiptir máli í náminu.
• Kynnið ykkur kosti Blackboard með því að smella hér.

Námsefni:

• Bókalista má nálgast á heimasíðunni t.d. með því að skoða Áfangar í boði á fjarnámssíðunni: Annað námsefni er hægt að nálgast í kennslukerfinu Blackboard.
• Helstu bókaverslanir í Reykjavík selja þær bækur sem notaðar eru í kennslunni og er hægt að panta þær hjá þeim ef nemendur búa úti á landi. Reynt er að tryggja nægilegt magn bóka en því miður tekst það ekki alltaf eða nemendur annarra skóla kaupa upp okkar pantanir.

Nemendur þurfa að....

• Hafa daglegan aðgang að tölvu sem tengd er netinu og ræður við vefinn.
• Hafa sitt eigið netfang og þurfa að tilkynna breytingar á því til fjarnámsstjóra á fjarnam@fa.is
• Hafa lágmarkskunnáttu í ritvinnslu og tölvunotkun.
• Hafa nokkra æfingu í að nota veraldarvefinn og síðan tileinka sér vinnu með námskeiðsvefinn Web CT. Þar eru bókalistar, námsáætlanir, verkefni, gagnvirk próf og ítarefni allra áfanga.
• Hafa tíma til að stunda námið. Einingafjöldi áfanga er síðasta talan í númeri hans. T.d. DAN 103 er 3 einingar, STÆ 102 er 2 einingar. Almennt er reiknað með að tíminn talinn í klukkustundum sem þarf til fjarnámsins á viku sé sú tala sem út kemur þegar einingafjöldinn er margfaldaður með 3. DAN 103 er þá 9 klst á viku, STÆ 102 6 klst .

Mat á fyrra námi:

• Fjarnámsnemendur sem óska eftir mati á fyrra námi skulu senda inn öll gögn sem varða nám þeirra í öðrum skólum til fjarnámsstjóra. Nemendur sem eru skráðir í fjarnám í FÁ fá fyrra nám sitt metið án aukakostnaðar. Nemendur sem ekki eru skráðir nemendur við skólann greiða fyrir námsmat samkvæmt eftirfarandi verðskrá:

  a) Nám úr áfangakerfi: 2.500 kr.

    b)     Nám úr bekkjakerfi :  5.000 kr.

  c)       Annað nám:  5.000 kr

  d)      Nám erlendis frá:  7.500 kr.

Fyrstu skrefin:

• Þegar heimsendur greiðsluseðill hefur verið greiddur og aðgangs- og lykilorð að WebCt/Blackboard hefur borist í tölvupósti og þú búinn að skrá þig þar inn ert þú kominn á það svæði þar sem samskipti þín og kennarans annars vegar og þín og annarra nemenda áfangans hins vegar munu fara fram.
• Hver kennari setur tímaramma til verkefnaskila og ber nemendum að hafa samband við kennara dragist verkefnaskil nemenda út hömlu. Í WebCt/Blackboard  eru mikilvægar dagsetningar varðandi próf og verkefnaskil og annað sem viðkemur áfanganum.

Námið:

Verklagsreglur. Hverjar eru skyldur kennara og hverjar eru skyldur nemenda. Lestu með því að smella HÉR.

• Nemendur skulu leitast við að fara að settum leiðbeiningum varðandi verkefni. Kennurum ber að svara fyrirspurnum nemenda innan tveggja virkra sólarhringa.
• Nemendur eru hvattir til að senda fyrirspurnir til kennara í Blackboard. Kennari svarar þar og geta þá aðrir nemendur í áfanganum notið góðs af og þar er einnig vettvangur til skoðanaskipta á Umræðuvefnum.
• Tæknilegum vandamálum svara fjarnámsstjóri fjarnam@fa.is, sími á skrifstofutíma 5258800.
  

Námstími - lokapróf:

• Námsannir eru þrjár vor-, sumar-  og haustönn. Vorönn er 12 vikur, sumarönn 9 vikur  og haustönn 11 vikur auk 2ja vikna sem fara í próf.
• Próf fara fram í Fjölbrautaskólanum við Ármúla samhliða öðrum prófum í maí og desember og í ágúst á auglýstum tíma.
• Nemendur sem þurfa lituð blöð/stærra letur eða þurfa prófin upp lesin vegna lesblindu skulu sækja um hjá fjarnámsstjóra með því að send tölvupóst á netfangið:  fjarnam@fa.is Fjarnámsstjóri eða fulltrúi fjarnáms gefa einnig  nánari upplýsingar um flest annað sem við kemur prófunum.
• Prófastaðir eru fjölmargir utan FÁ en nemendur þurfa að sækja um það til fjarnámsstjóra. þurfi þeir að taka prófin utan skólans. Flestir framhaldsskólar á landinu taka að sér að leggja prófin fyrir og einnig er hægt að sækja um að taka próf í grunnskólum landsins óski nemendur eftir því og aðstæður fyrir hendi í skólunum. Nemendur erlendis skulu hafa samband við næsta Sendiráð eða skóla sem er tilbúinn til að þjónusta. Þar þarf að útvega ábyrgðarmann og er verkefni hans það að taka við prófum í tölvupósti, leggja þau fyrir og senda úrlausnir til baka. Faxnúmer skólans er , síminn og heimilisfangið Ármúli 12, Reykjavík. Fjarnámsstjóri þarf að fá nafn, netfang, stöðu og nafn skólans sem haft hefur verið samband við. Prófstaður getur fram á að nemendur greiði fyrir þessa þjónustu.

• Tweet