Hvað eru áhugasviðskannanir?

Áhugasviðskannanir eru verkfæri sem auðvelda val á námi, námsbraut, starfi eða áhugamáli. Þær gefa ekki endanlegt svar heldur leiðarvísi sem auðveldar þér leitina. Þegar niðurstöðurnar koma, tekur við töluverð vinna við að kanna störf og nám sem kemur til greina fyrir þig. Einnig þarf oft að fara í sjálfskönnun eins og að skoða eigið gildismat, styrkleika, reynslu o.fl.

Áhugasviðskannanir gefa upplýsingar um áhuga en ekki hæfileika eða getu.

Áhugasviðskannanir segja til um hvar áhugasvið fólks liggur en það gefur vísbendingar um það á hvaða starfssviði og í hvaða starfi þér mun líka vel að vinna.

Áhugasviðskannanir eru verkfæri sem auðvelda val á námi, námsbraut, starfi og áhugamálum en þær gefa ekki endanlegt svar. Þegar niðurstöðurnar koma, tekur við töluverð vinna við að kanna störf og nám sem kemur til greina fyrir þig. Einnig þarf oft að fara í sjálfskönnun eins og að skoða eigið gildismat, styrkleika, reynslu o.fl.

Áhugasviðskannanir gefa upplýsingar um áhuga en ekki hæfileika eða getu.

Nemendum dagsskólans gefst kostur á að taka áhugasviðskannanir hjá náms- og starfsráðgjöfum FÁ.

Nokkrar gerðir áhugasviðskannanna eru til á íslensku og nemendur greiða útlagðan kostnað vegna þeirra (leyfisgjöld). Hægt er að  óska eftir ákveðinni tegund könnunar en náms- og starfsráðgjafi metur þó endanlega hvaða könnun er heppilegust.

Áhugasviðskannanir:

Í LEIT AÐ STARFI: Þetta er áhugasviðskönnun sem er um leið vinnubók og leiðir þig áfram með aðstoð náms- og starfsráðgjafa, í þeirri vinnu sem þarf við náms- og starfsval. Verð 500 kr.

BENDILL: Þetta er ný íslensk áhugasviðskönnun sem svarað er rafrænt hjá náms- og starfsráðgjafa. Niðurstöður koma strax fram og á rafrænu formi. Verð: Bendill I: 1000 kr, Bendill II: 3.700 kr, Bendill III: 3.700 kr.

STRONG: Þetta er stærsta og ýtarlegast áhugasviðskönnunin sem völ er á í heiminum. Niðurstöður eru mjög ýtarlegar og þú færð heilmiklar upplýsingar til að moða úr. Það tekur 30 – 45 mín að svara og niðurstöður koma eftir 3 – 5 daga.  Verð 8.000 kr.  (Ekki í boði eins og er).

Hér má sjá sýnishorn af niðurstöðuheftinu sem fólk fær úr Strong könnuninni: https://www.cpp.com/Pdfs/smp284108.pdf

Hvar finnur þú upplýsingar um störf?

Á bókasafninu í handbókahillu og hjá náms- og starfsráðgjöfum eru til bæklingar með þýðingu á 1300 starfsheitum og hvernig þau flokkast eftir áhugasviðum. Bæklingarnir heita:

  • "Starfalisti - þriggja stafa kóðar"
  • "Starfalisti í stafrófsröð"

Á eftirfarandi vefsíðum er hægt að finna starfsheiti eftir áhugasviðum:

Persónuleikakönnunin Myers-Briggs type indicator

Gagnlegt tæki til að skilja og átta sig á eigin aðlögun að starfi, sjá samspil sitt við umhverfið og sína nánustu, skilja eigin ákvarðanastíl, styrkleika sína og hvernig verkefnum maður hefur mestan áhuga á. Með þessi könnun fást mjög góðar upplýsingar til viðbótar við það sem Strong áhugasviðskönnuninni gefur og gagnlegt að lesa úr niðurstöðum þeirra saman.