Sótthreinsitæknabrú
Sótthreinsitæknabrú er ætluð fullorðnu fólki sem óskar að fá metna starfsreynslu og óformlegt nám til styttingar á námi á sótthreinsitæknabraut. Skilyrði til innritunar í nám á sótthreinsitæknabrú eru að umsækjandi sé orðinn 22 ára gamall og framvísi staðfestingu frá vinnuveitanda um að hann hafi a.m.k. 4 ára starfsreynslu og starfi enn við sótthreinsun og dauðhreinsun á heilbrigðissviði. Auk þess þarf viðkomandi að hafa lokið starfstengdum námskeiðum á vegum stéttarfélaga eða stofnana/fyrirtækja í heilbrigðisþjónustu sem hafa það að markmiði að auka kunnáttu og færni til sótthreinsunar og dauðhreinsunar á heilbrigðissviði.
Skólameistari ber ábyrgð á mati á fyrra námi í samræmi við ákvæði í aðalnámskrá framhaldsskóla, almennum hluta. Mælt er með þeirri viðmiðun að námskeið sem nema a.m.k. 160 stundum jafngildi 7 einingum og að nemendur fái þá fyrst og fremst metna áfanga sem eru merktir með stjörnu (*) í yfirlitinu hér fyrir neðan. Enn fremur er gert ráð fyrir að starfsreynsla sem fellur vel að markmiðum brautarinnar verði metin sem ígildi vinnustaðanáms. Sá sem lokið hefur sótthreinsitæknanámi af brú með fullnægjandi árangri hefur lokið fullgildu starfsnámi sótthreinsitækna enda þótt viðkomandi hafi ekki lokið almennum greinum brautarinnar samkvæmt aðalnámskrá. Sá hinn sami kann hins vegar að þurfa að ljúka því námi til að geta stundað framhalds- eða viðbótarnám að loknu námi af sótthreinsitæknabrú.
Almennar heilbrigðisgreinar | 15 ein | |
Heilbrigðisfræði* | HBF 103 (HBFR1HH05) |
5 ein |
Líkamsbeiting* | LÍB 101 (LÍBE1HB01) |
1 ein |
Líffæra- og lífeðlisfræði |
LOL 103 (LÍOL2SS05) LOL 203 (LÍOL2IL05) |
10 ein |
Samskipti* | SAS 103 (SASK2SS05) |
5 ein |
Siðfræði* | SIÐ 102 (SIÐF1SF05) |
5 ein |
Skyndihjálp* | SKY 101 (SKYN1EÁ01) |
1 ein |
Sýklafræði | SÝK 103 (SÝKL2SS05) |
5 ein |
Starfsumhverfi heilbrigðisstofnana* |
STH 103 (STHE1HÞ05) |
5 ein |
Sérgreinar brautar | 35 ein | |
Áhalda- og efnisfræði, sótthreinsitækna | ÁHE 103 (ÁHEF2PE05) | 5 ein |
Áhöld sérhæfð, sótthreinsitækna | ÁHS 103 (ÁEFS2AB05) ÁHS 203 (ÁEFS2BB05) | 10 ein |
Sótthreinsun fyrir sótthreinsitækna | SÓT 103 (SÓTS2HR05) | 5 ein |
Dauðhreinsun fyrir sótthreinsitækna | DAU 103 (DAUH2SÖ05) | 5 ein |
Gæði, öryggi og rekjanleiki | GÖR 103 (GÆÖR2RE05) | 5 ein |
Umhverfisfræði | UMH 103 (UMHV1SJ05) |
5 ein |
Vinnustaðanám | 0 ein | |
Verknám (ferilbækur, 15 vikur fullt starf)* | VER 105 205 305 405 505 | 25 ein |
(Síðast uppfært 28.10.2020)