Prófafyrirkomulag
Árekstar við önnur próf: Ef tvö próf lenda á sama tíma er heimilt að flytja annað þeirra á sjúkraprófsdag og þarf að láta fjarnámsstjóra vita hvort prófið er flutt. Veikindi: Veikindi ber að tilkynna fjarnámsstjóra viðkomandi prófdag með því að senda tölvupóst á fjarnam@fa.is
Greiða þarf krónur 1.500 fyrir sjúkrapróf. Þeir sem taka próf erlendis eða úti á landi tilkynna veikindi til fjarnámsstjóra og ábyrgðarmanns á viðkomandi prófstað.
MUNIÐ! Framvísa þarf skilríkjum í lokaprófi!
Próftaflan: smellið HÉR.
Aðstoð vegna lesblindu:
Próftími er 120 mínútur og gildir það fyrir alla, en prófin sjálf eru miðuð við að hægt sé að ljúka þeim á 90 mínútum. Hafi nemandi greiningu um lesblindu eða þurfi af öðrum ástæðum prófin með stækkuðu letri og/eða lituðum prófblöðum eða lesin inn á tölvu ber honum að sækja um það til fjarnámsstjóra fyrir 10. apríl. Nauðsynlegt er að greining eða annað vottorð fylgi umsókn.
Hvar eru próf tekin?
Við lítum svo á að allir taki prófin hér í húsnæði Fjölbrautaskólans við Ármúla, nema þeir tilkynni um annan prófstað.
Nauðsynlegt er að láta vita fyrir 10. apríl ef nemandi ætlar að taka prófin annars staðar. Best er að senda upplýsingarnar á netfangið fjarnam@fa.is
Ef ekki kemur staðfesting samdægurs um að bréfið hafi verið móttekið, þá gæti póstsendingin hafa misfarist. Ekki er hægt að tryggja að próf verði send í tæka tíð á annan prófstað nema tilkynning komi tímanlega.
Þeir sem ekki geta tekið prófin í húsnæði Fjölbrautaskólans við Ármúla hafa þrjá möguleika:
1. Að taka prófin í öðrum framhaldsskólum landsins.
2. Að taka prófin í grunnskólum landsins.
3. Að taka prófin í sendiráðum eða öðrum stöðum nálægt heimilum nemenda erlendis.
Ef próf er tekið í framhaldsskóla öðrum en FÁ:
Ef nemandi tekur próf í einum af eftirtöldum framhaldsskólum landsins, sér fjarnámsstjóri um að hafa samband við ábyrgðarmann í viðkomandi framhaldsskóla. Þið þurfið hins vegar að tilkynna fjarnámsstjóra hvar þið hyggist taka prófin fyrir 10. apríl.
Framhaldsskólarnir þar sem hægt er að taka próf eru auk FÁ:
- Menntaskólinn á Tröllaskaga
· Menntaskóli Borgafjarðar, Borganesi
· Menntaskólinn á Ísafirði
· Fjölbrautaskóli Norðurlands vestra, Sauðárkróki
· Verkmenntaskólinn á Akureyri
· Framhaldsskólinn á Húsavík
· Verkmenntaskóli Austurlands, Neskaupstað
· Menntaskólinn á Egilsstöðum
· Framhaldsskóli Austur Skaftafellssýslu, Höfn
· Framhaldsskólinn í Vestmannaeyjum
· Fjölbrautaskóli Suðurnesja, Keflavík
· Háskólafélag Suðurlands, Selfossi
· Fjölbrautaskóli Snæfellinga, Grundarfirði
Þekkingarsetrið á Húsavík, Námsstofur á Hvammstanga, Skagaströnd, Viska í Vestmannaeyjum og víðar.
Ef próf er tekið í grunnskóla:
Ef þið búið ekki nálægt framhaldsskóla, þá þurfið þið að kanna sjálf hvort grunnskólinn í ykkar heimabyggð geti leyft ykkur að taka prófin hjá sér. Hafið því samband við næsta grunnskóla og semjið við skólastjóra eða aðstoðarskólastjóra. Tilkynnið fjarnámsstjóra hver verður ábyrgðarmaður ykkar í prófunum fyrir 10. apríl. Sendið fjarnámsstjóra nafn ábyrgðarmanns, netfang hans auk nafns stofnunarinnar og stöðu hans í stofnuninni. Netfang fjarnámsstjóra er fjarnam@fa.is
Ef próf er tekið í sendiráði eða annars staðar erlendis:
Erlendis hafa sendiráð Íslands þjónustað nemendur sem og ýmsar skólastofnanir. Nemendur sem hyggjast taka próf erlendis þurfa sjálfir að sjá um að útvega stað og ábyrgðarmann. Tilkynnið fjarnámsstjóra hver verður ábyrgðarmaður ykkar í prófunum fyrir 10. nóvember. Sendið fjarnámsstjóra nafn ábyrgðarmanns, netfang hans auk nafns stofnunarinnar og stöðu hans í stofnuninni. Ekki þarf að greiða okkur sérstaklega fyrir að taka prófin annars staðar en ábyrgðarmönnum prófa er þó heimilt að rukka nemendur fyrir þjónustuna.
Samantekt:
Til að tryggja að framkvæmd prófa verði eins hnökralaus og hægt er er mikilvægt að athuga vel eftirfarandi atriði:
1. Próftaflan. Skráið hjá ykkur prófdaga.
2. Tilkynnið fyrir 10. apríl ef þið hyggist taka lokapróf annars staðar en í húsnæði Fjölbrautaskólans við Ármúla.
3. Sendið inn umsókn ef þið þurfið próf lesið inn vegna dyslexíu og/eða stækkað letur og/eða litaðar prófarkir fyrir 10. apríl. Greining þarf að liggja fyrir.