Kennslufyrirkomulag

Kennsla í FÁ er skipulögð í stokkum samkvæmt þar til gerðri stokkatöflu. Stokkataflan er jafnan endurskoðuð á 2-3 ára fresti með tilliti til þróunar og breytinga á námi og kennsluháttum.

stokkar2016H

Nemendur sem eru í 5 eininga áfanga sækja 4 tíma í viku (þrjú skipti, þ.e. tveir samfelldir tímar og tveir stakir tímar) samkvæmt stokkatöflu, nemendur í 3 eininga áfanga sækja þrjá tíma í viku og nemendur í 1 eininga áfanga sækja einn eða 2 tíma í töflu.

Nemendur sem stunda nám á fjórða þrepi, t.d. framhaldsnám sjúkraliða, sækja að jafnaði tíma eftir kl. 15:50 á daginn 3-4 daga vikunnar.

Starfsmannafundir fara fram á mánudögum kl. 8:15 og gefst þá starfsfólki tækifæri til að funda um fagleg mál sem þarfnast umræðu.

Kennarar í FÁ nota kennsluumhverfið Moodle. Þar finna nemendur efni og upplýsingar sem tengjast hverju námskeiði, m.a. bókalista, kennsluáætlun, kennsluefni frá kennara, verkefni, umræðuþræði, ítarefni (ef það á við) o.m.fl. Ennfremur geta nemendur skoðað einkunnir fyrir mismunandi námsþætti og átt samskipti við aðra nemendur og kennara.


(Síðast uppfært 4.1.2017)