4.1. Bóknám
Skólinn býður upp á bóknám til stúdentsprófs á félagsfræðabraut, hugvísindabraut, íþrótta- og heilbrigðisbraut , náttúrufræðibraut, opinni stúdentsbraut og viðskipta-og hagfræðibraut.
Almenn lokamarkmið bóknámsbrauta FÁ eru að nemendur:
- hafi öðlast alhliða þroska þannig að þeir séu sem best búnir undir að taka virkan þátt í lýðræðisþjóðfélagi
- séu búnir undir störf í atvinnulífinu og undir frekara nám
- búi yfir ábyrgðarkennd, víðsýni, frumkvæði, sjálfstraust og umburðarlyndi
- hafi á valdi sínu öguð og sjálfstæð vinnubrögð og geti beitt gagnrýnni hugsun
- kunni að njóta menningarlegra verðmæta
- hafi hvata til stöðugrar þekkingar- og upplýsingaleitar
- hafi góða þekkingu á íslensku samfélagi
- búi yfir þekkingu á umheiminum og hafi öðlast víðsýni og umburðarlyndi gagnvart öðrum þjóðum
- þekki réttindi og skyldur þegna í lýðræðisþjóðfélagi
- séu færir um að tjá skoðanir sínar í ræðu og riti
- séu hæfir til samvinnu og beri virðingu fyrir skoðunum annarra
- beri virðingu fyrir náttúrunni og nærumhverfi sínu
- geri sér grein fyrir mikilvægi heilbrigðra lífshátta
- hafi öðlast innsýn í íslenskt fjölmenningarsamfélag
- hafi átt þess kost að taka virkan þátt í félagslífi skólans
(Síðast uppfært 28.10.2021)