4.3. Fjarnám
Fyrst var boðið upp á fjarnám í Fjölbrautaskólanum við Ármúla sumarið 2002 og síðan þá
hefur það verið óslitinn þáttur í skólastarfinu. Nemendur í fjarnámi eru flestar annir þó
nokkuð fleiri en dagskólanemendur en stunda nám í færri áföngum hverju sinni. Stöðugt er
unnið að því að bæta fjarnámið, m.a. með því að nýta alla þá möguleika sem
upplýsingatæknin býður upp á.
Meginmarkmið fjarnáms í Fjölbrautaskólanum við Ármúla eru:
- að gefa sem flestum kost á að stunda framhaldsskólanám óháð stað og stund.
- að brúa bilið hjá þeim sem kjósa að taka upp þráðinn á ný eftir hlé frá námi og gefa þeim nýtt tækifæri.
- að gefa nemendum kost á sveigjanleika í námi og að stytta sér leið að lokaprófi.
- að sem flestar leiðir sem standa til boða í staðnámi séu einnig í boði í fjarnámi.
- að unnt verði að ljúka stúdentsprófi af öllum bóknámsbrautum í fjarnámi.
- að unnt sé að ljúka í fjarnámi þeim bóklegu greinum á brautum Heilbrigðisskólans sem til þess eru fallnar.
Nánari upplýsingar um fjarnám eru á vefsíðu fjarnáms.
Smelltu á krækjuna til að sjá leiðir að þessum markmiðum.
(Síðast uppfært 4.12.2018)