Prófareglur og fyrirkomulag prófa

Upplýsingar um prófstaði er að finna undir Próffyrirkomulag. Leiðbeiningar við prófkvíða má finna HÉR.
NEMENDUR ÞURFA AÐ MÆTA MEÐ SKILRÍKI Í PRÓF.

Fyrir alla nemendur sem taka próf:

  • Nemanda ber að mæta stundvíslega í þau próf sem hann er skráður í og hafa meðferðis persónuskilríki.

  • Prófað er í M stofum á 3. hæð FÁ og geta nemendur séð á listum sem hanga uppi í í anddyri í hvaða stofu þeirra próf er.

  • Nemandi skal leggja perónuskilríki á prófborð svo yfirsetumaður geti borði þau saman við nafnalista.

  • Prófatíminn er tvær klukkustundir. Prófin eru samin með það í huga að flestir nemendur ljúki þeim á einni og hálfri klukkustund.

  • Nemanda sem verður uppvís að svindli (notar óheimil hjálpargögn, veitir eða þiggur hjálp frá öðrum nemanda), er vísað úr prófi og hann fær falleinkunn.

  • Slökkt skal á farsímum í prófi og þeir mega ekki vera á prófborði. Sama gildir um önnur raftæki.

  • Nemendur geta haft með sér hressingu, en mælt er með ílátum sem ekki skrjáfar í. Mörgum nemendum gagnast vel að nota eyrnatappa í prófunum.

  • Sömu reglur gilda á öllum prófstöðum okkar.

  • Þeir sem þurfa lituð prófblöð, stærra letur eða aðra sérþjónustu þurfa að óska eftir því eigi síðar en 2 vikum fyrir lokapróf og senda afrit af greiningu.

Próftími:

  • Nemendum sem af sérstökum ástæðum þurfa lengri próftíma er bent á að nýta vel þessar 2 klukkustundir sem próftíminn er. Prófin miðast við að hægt sé að ljúka við að taka þau á 90 mínútum en þeir sem þurfa fá allt að 120 mínútur til að leysa þau.

  • Nemendur mega fara úr prófi eftir að 30 mínútur eru liðnar af próftíma.

  • ATH! Veikindi ber að tilkynna með því að senda tölvupóst á fjarnam@fa.is viðkomandi prófdag.

  • Greiða þarf krónur 2.000 fyrir sjúkrapróf.

  • Þeir sem taka próf erlendis eða úti á landi tilkynna veikindi á fjarnam@fa.is og til ábyrgðarmanns á viðkomandi prófstað.

Tvö próf á sama tíma:

  • Ef tvö tvö próf lenda á sama tíma á sama degi getur nemandi óskað eftir að taka annað prófanna á sjúkraprófsdegi og þarf ekki að greiða fyrir.


Síðast uppfært 27.11.2015