Fréttir

Próftími 9. maí til 19. maí

 

Það sem gerir þessa próftörn öðruvísi en allar áður er sú vitund að eflaust verður þetta í seinasta skipti sem próf verða haldin undir stoltum grænfána FÁ ef þau áform ganga í gegn að FÁ renni undir Tækniskólann að loknum prófum. En nemendur þurfa ekki að örvænta, það er ekki víst að þeir merki neinar breytingar á eigin skinni - kannski verður allt eins og áður var, rétt eins og þegar maður fer í nýja yfirhöfn. Nýstárlegt í fyrstu en venst furðu fljótt.

Ekkert er víst í lífinu nema skattar og dauðinn - allt er breytingum undirorpið og allt er hégómi eins og Prédikarinn segir. Njótum þess að vera til, sleikjum sólríka sumardagana og kvíðum ekki haustsins gusti - en fylgist með framvindu samruna FÁ við Tækniskólann í blöðum og öðrum miðlum.