Rafræn vöktun
Öryggismyndavélar – Fjölbrautaskólinn við Ármúla
Rafræn vöktun með öryggismyndavélum í og við húsnæði skólans byggir á lögmætum hagsmunum og er metin nauðsynleg á grundvelli öryggis og eignavörslu. Ábyrgðaraðili er Fjölbrautaskólinn við Ármúla. Tilgangur rafrænnar vöktunar er að varna því að eigum sé stolið, þær séu skemmdar eða farið sé um húsnæði skólans í leyfisleysi, auk þess að tryggja öryggi nemenda og starfsfólks. Verklagsregla þessi byggir á reglum um rafræna vöktun nr. 50/2023. Vinnsla persónuupplýsinga sem verður til við rafræna vöktun byggir á heimildum skv. 9. gr. laga um persónuvernd og vinnslu persónuupplýsinga nr. 90/2018:
· Að vinnslan sé nauðsynleg til að fullnægja lagaskyldu sem hvílir á ábyrgðaraðila.
· Að vinnslan sé nauðsynleg til að vernda brýna hagsmuni hins skráða eða annars einstaklings.
Þá skal framhaldsskóli haga störfum sínum þannig að nemendur finni til öryggis (33. gr. framhaldsskólalaga nr. 92/2008).
Skólameistari er ábyrgur fyrir því að unnið sé í samræmi við gildandi lög um
persónuvernd og reglur um rafræna vöktun og meðferð persónuupplýsinga sem verða
til við rafræna vöktun nr. 837/2006 og að farið sé eftir lögum um
framhaldsskóla.
Umsjónarmaður fasteigna hefur eftirlit með virkni
öryggismyndavélanna.
Persónuverndarfulltrúi veitir ráðgjöf varðandi persónuverndarmál,
fylgist með að farið sé að ákvæðum gildandi laga um persónuvernd og er tengiliður
við Persónuvernd.
Staðsetning myndavéla og merkingar
Öryggismyndavélar eru 42 talsins, staðsettar á göngum skólans og í matsal, við
alla innganga og á bílaplani. Sérstakar merkingar eru settar upp um
öryggismyndavélarnar til að gera öllum sem eiga leið um lóðina og húsnæðið
viðvart um vöktunina.
Varðveisla, skoðun myndefnis, afhending og andmæli
Myndefni sem verður til við rafræna vöktun er vistað á sérstökum aðgangsstýrðum
netþjóni innan skólans. Það er aðeins skoðað ef upp koma atvik sem varða
eignavörslu og/eða öryggi, s.s. þjófnaður, skemmdarverk eða slys. Myndefnið
geymist að hámarki í 30 daga og eyðist sjálfkrafa.
Sá sem sætt hefur rafrænni vöktun á rétt á að skoða myndbandsupptökur sem til verða um hann við vöktunina. Skólameistari hefur heimild til ákveða að upplýsingarnar sem verða til við vöktunina skuli skoðaðar. Skriflegri beiðni um leit í upptökum eftirlitsmynda-véla skal komið á framfæri við skólameistara. Tilgreina skal tilefni og tímamörk umbeðinnar leitar og upplýsingar um þann sem biður um leit. Skólameistari skal heimila skoðun jafn fljótt og auðið er og eigi síðar en innan eins mánaðar frá móttöku slíkrar beiðni.
Skólameistari, staðgengill hans og umsjónarmaður fasteigna hafa einir heimild til að skoða upplýsingar úr rafrænni vöktun. Myndefni, sem verður til við rafræna vöktun, er ekki afhent þriðja aðila og ekki unnið með þær nema með samþykki þess sem upptakan er af eða með heimild Persónuverndar. Undantekning frá þessu er að heimilt er að afhenda lögreglu upptökur, varði þær upplýsingar um slys eða meinta refsiverða háttsemi.
Andmælum við framkvæmd vöktunar eða ábendingum um að vöktun uppfylli ekki kröfur í þessari verklagsreglu eða lögum, skal koma á framfæri í tölvupósti á netfangið personuvernd@fa.is. Andmæli og málsmeðferð er skráð í skjalastjórnarkerfi skólans.
(Síðast uppfært 22. maí 2024)