Kynning á FÁ

Staðsetning

Fjölbrautaskólinn við Ármúla er staðsettur við Ármúla 12, 108 Reykjavík.  Skólinn er staðsettur miðsvæðis og er stutt í strætó.

Strætisvagnar:

Númer 4 og 11 stansa við Háaleitisbraut.

Númer 2, 5, 15 og 17 stansa við Suðurlandsbraut.

Áfangakerfi

Í Fjölbrautaskólanum við Ármúla er áfangakerfi. Áfangakerfið gerir nemendum kleift að skipuleggja nám sitt í skólanum og kemur til móts við nemendur, óskir þeirra, áhuga og hæfni. Nemendur geta að nokkru leyti ráðið námshraða sínum. Nemendum er skipt í hópa eftir áföngum og eru því með mismunandi stundatöflur.

Í FÁ skiptist skólaárið í haustönn og vorönn. Alls er skólaárið 180 dagar.

Námslok miðast við að nemendur hafi lokið tilskildum áföngum og einingafjölda samkvæmt námskrá brautar. Brautskráningar fara fram í desember og maí ár hvert.

Inntökuskilyrði

Nemendur í dagskóla eru teknir inn í skólann á haust- og vorönn ár hvert. Auk þess geta nemendur stundað fjarnám á sumarönn til viðbótar við haust- og vorönn.

Nemendur með einkunnina C+ eða lægra raðast í áfanga á 1. hæfniþrepi í samsvarandi grunnfagi (íslensku, ensku, stærðfræði eða dönsku). Þeir eru undanfarar áfanga á 2. hæfnisþrepi.

Nemandi sem er með B eða hærra fer beint í áfanga á 2. hæfnisþrepi.

Allar umsóknir eru metnar af skólastjórn og fá umsækjendur svarbréf í tölvupósti en einnig er hægt að fylgjast með stöðu umsókna í Innu
Umsækjendur eru hvattir til að kynna sér vel inntökuskilyrði og dagsetningar umsóknartímabila á vef Menntagáttar.

Nánar um inntökuskilyrði.

Námsmat

FÁ er símatsskóli og er því ekki með lokapróf.  Námsmat í áföngum skólans er fjölbreytt. 

Kynningaglærur

Glærur frá foreldrafundi 27. ágúst 2024.

Hér eru glærurnar á ensku.

Nemendafélag - NFFÁ

Í FÁ er starfrækt nemendafélag, NFFÁ. Félagsmenn eru allir þeir nemendur við skólann sem greiða nemendafélagsgjöld. 

Félagslífið í FÁ er fjölbreytt og skemmtilegt. Í stórum skóla er mik­il­vægt að bjóða upp á fjöl­breytt félagslíf og er það stefna NFFÁ og skólans.

NFFÁ stendur fyrir ýmsum viðburðum, stórum jafnt sem smáum, sem höfða til allra nem­enda. Meðal viðburða sem NFFÁ heldur utan um má nefna Morfís, Gettu betur, böll, árshátíð, söng­keppni, þemavikur, nýnemadag, ferðir o.fl. Einnig er mikil áhersla lögð á það að skapa góðan skólaanda og vera með allskyns uppákomur á skóladaginn.

Ýmsar nefndir, ráð og klúbbar eru starfandi innan skólans og er starfið breytilegt milli ára.

NFFÁ á instagram

Endilega kíkið á NFFÁ á Instagram.