Reglur tölvuversins

Tölvuverið er opið frá kl. 8:00 til 16:00 mánudaga - fimmtudaga
og frá kl. 8:00 til 14:00 á föstudögum

 

  • Nemendur fá úthlutað skólanetfangi þegar þeir hefja nám við skólann. Notendanafnið er samsett á eftirfarandi hátt: fa + fyrstu 8 stafir kennitölunnar + @fa.is. Dæmi: fa01013077@fa.is
  • Nemendur búa til eigið lykilorð. Leiðbeiningar er að finna á heimasíðu skólans undir Þjónusta – Tölvu- og þjónustuver – Menntaský – Breyta lykilorði.

  • Skólanetfang nemenda gefur nemendum aðgang að staðarneti skólans auk ýmiss hugbúnaðar sem notaður er í námi.

  • Nemendur dagskóla og fjarnáms geta fengið Microsoft Office 365 hjá skólanum og notað þann tíma sem þeir eru skráðir í skólann. Leiðbeiningar er að finna á heimasíðu skólans undir Þjónusta – Tölvu- og þjónustuver – Microsoft Office 365.

  • Nemendur geta tengt fartölvu, síma eða spjaldtölvu inn á þráðlausa net skólans. Upplýsingar er að finna inn á heimasíðu skólans undir Tölvu- og þjónustuver – Tenging við net.

  • Fjölnotavél (prentari) sameinar prentun, ljósritun og skönnun. Nánari upplýsingar um prentun er að finna á heimasíðu skólans undir Þjónusta – Tölvu- og þjónustuver – Prentun – skönnun. Sömuleiðis geta nemendur prentað úr eigin fartölvum. Leiðbeiningar er að finna á heimasíðu skólans undir Þjónusta – Tölvu- og þjónustuver – Prentun úr fartölvum.

  • Á stofutöflum kemur fram hvenær verið er að kenna í tölvustofunum. Nemendur hafa aðgang að tölvustofum þegar ekki er verið að kenna í stofunum.

  • Munið að ganga ávallt vel um tölvuverið. Mat og drykki má ekki hafa meðferðis. Skráið ykkur út af tölvunum að vinnu lokinni.

  • Láttu ekki undir nokkrum kringumstæðum aðra fá skólanetfangið þitt og lykilorð. Gleymdu því ekki að þú berð ábyrgð á skólanetfanginu  þínu og öllu því sem unnið er á þínu skólanetfangi.

  • Brot á umgengnisreglum getur leitt til þess að aðgangur að neti skólans verði tímabundið eða alveg lokað. Litið er á tilraun til að brjótast inn á netkerfi skólans eins og hvert annað innbrot og getur leitt til brottvísunar úr skóla.

 

Verið öll velkomin í Tölvuverið

Síðast uppfært: 12. október 2026