Lokapróf

Lokapróf fjarnámsins eru haldin í Fjölbrautaskólanum við Ármúla, Ármúla 12, í lok haust-, vor og sumarannar. 

Upplýsingar um lokapróf, áreksturspróf, sjúkrapróf, sérúrræði í lokaprófum, prófsýningu, endurtektarpróf vegna útskriftar og útskrift:

Próftími lokaprófa í FÁ er 120 mínútur. Vægi lokaprófa er mismunandi eftir áföngum. Prófin eru staðbundin í húsnæði skólans og eru skrifleg (þ.e. ekki á rafrænu formi). Lokaprófs- og sjúkraprófsdagar eru fastir skv. próftöflu. Ekki er hægt að færa til próf á aðra daga. Það þarf að tilkynna sjúkrapróf til að tryggja próftöku. Á haust- og vorönn eru tveir sjúkraprófsdagar. Sá fyrri er fyrir lokapróf sem haldin eru á fyrri hluta próftöflunnar en sá seinni er fyrir lokapróf sem haldin eru á seinni hluta próftöflunnar. 

Nemendur sem taka lokapróf utan FÁ, hérlendis eða erlendis*, þurfa að tilkynna það sérstaklega á skrifstofu fjarnáms fyrir 22.júlí: fjarnam@fa.is. Nemendur sem taka lokapróf utan FÁ þurfa almennt að greiða umsýslugjald til þeirra sem sjá um prófin. Upphæð gjaldsins er mismunandi eftir prófstöðum. Hér eru upplýsingar um mismunandi prófstaði.

*Þeir sem taka lokapróf erlendis þurfa sjálfir að verða sér út um próftökustað. ATH: á sumarönn er erfiðara að finna próftökustað. Vertu tímalega og byrjaðu strax að huga að í upphafi annar! Sendiráð og ræðismannaskrifstofur taka almennt að sér að sjá um umsýslu lokaprófa. Einnig er hægt að leita til viðurkenndra menntastofnana í næsta nágrenni við dvalarstað nemenda. Hafðu samband við skrifstofu fjarnáms ef þú vilt fá frekari upplýsingar, fjarnam@fa.is.

Árekstur í próftöflu: Ef tvö eða fleiri lokapróf stangast á á sama prófdegi má færa próf yfir á sjúkraprófsdag án endurgjalds. Tilkynna þarf árekstur fyrir 22.júlí á skrifstofu skólans; fjarnam@fa.is 

Sjúkrapróf: Hægt er að færa próf yfir á sjúkraprófsdag (hver áfangi er með sjúkraprófsdag skv.próftöflu) ef prófdagur hentar ekki. Greiða þarf fyrir slíkan flutning. Það sama á við ef nemandi er veikur á prófdegi. Nemandi þarf að tilkynna veikindi/forföll í síðasta lagi á prófdegi með því að senda tölvupóst á forfoll@fa.is. Það þarf ekki að framvísa læknisvottorði en nemendur þurfa að greiða kr. 2.000 fyrir sjúkrapróf inn á reikning fjarnámsins nr. 0514-26-000351, kt.590182-0959. Þeir sem taka próf erlendis eða úti á landi verða að tilkynna veikindi/forföll bæði til FÁ (forfoll@fa.is) en einnig á prófstað. Það er mjög mikilvægt að tilkynna forföll á prófstað því ef það gleymist getur nemandi þurft að greiða tvöfalt umsýslugjald).

Sérúrræði fyrir nemendur með lesblindu eða annan staðfestan vanda sem trufla próftöku:

Nemendur sem óska eftir sérúrræðum í lokaprófum þurfa að tilkynna það til skrifstofu fjarnáms fyrir 1.apríl á netfangið: fjarnam@fa.is.  Nemandi þarf ekki að sækja um aukinn próftíma. Próftími í fjarnámi FÁ er 120 mínútur en venjulegur próftími á framhaldsskólastigi er 90 mínútur. ATH: Ef nemandi tekur lokapróf utan FÁ er ekki sjálfgefið að hægt sé að verða við óskum um sérúrræði í lokaprófum, fyrst og fremst vegna aðstöðuleysis á prófstað.

Sérúrræði sem boðið er upp á:

• að hlusta á próf,
• að svara prófi á tölvu,
• fá próf með stækkuðu letri,
• fá lituð prófblöð

Sérúrræði fyrir nemendur sem eiga annað móðurmál en íslensku:

Nemendur geta óskað eftir að fá tölvu í prófi sem veitir þeim aðgang að Google translate án nettengingar. Sækja þarf um fyrir 1.apríl á netfangið: fjarnam@fa.is. ATH: Ef nemandi tekur lokapróf utan FÁ er ekki sjálfgefið að hægt sé að verða við óskum um sérúrræði í lokaprófum, t.d. vegna aðstöðuleysis á prófstað.

Prófsýning: 

Prófsýning á sumarönn 2025 verður samkvæmt samkomulagi.

Endurtektarpróf vegna útskriftar:

Sumarönn er ekki útskriftarönn og því eru ekki endurtektarpróf á önninni. Nemandi sem er skráður til útskriftar á námsönn á rétt á einu endurtektarprófi ef hann fellur í áfanga. Viðkomandi þarf fyrst að þreyta lokapróf til að eiga rétt á endurtektarprófi. Ef nemandi fellur í tveimur áföngum sem hann þarf til útskriftar fellur niður réttur hans til endurtökuprófs. Nemandi í fjarnámi FÁ sem er skráður útskriftarefni annars skóla á rétt á endurtektarprófi í FÁ ef hann hefur náð öllum öðrum áföngum (í FÁ og í öðrum skólum sem viðkomandi stundar nám). Útskriftarefni annarra skóla þurfa að greiða gjald fyrir endurtektarpróf.  Nemandi sem er útskrifaður sem stúdent á ekki rétt á endurtektarprófi í þeim áföngum sem viðkomandi er í eftir útskrift. Þetta á einnig við um alla aðra nemendur sem eru ekki skráðir til útskriftar á námsönn.

Útskrift:

Ertu að útskrifast frá FÁ eða öðrum framhaldsskóla? Til að tryggja þá þjónustu sem þú átt rétt á sem útskriftarefni annarinnar skaltu hafa samband við skrifstofu fjarnámsins; fjarnam@fa.is Útskriftarefni fjarnáms eiga rétt á einu endurtektarprófi ef þeir ná ekki lágmarkseinkunn í lokaprófi. Útskriftarnemendur annarra skóla eiga einnig rétt á endurtektarprófi í fjarnámsáfanga ef skólinn sem viðkomandi útskrifast frá staðfestir réttinn til endurtöku.

Útskrift haustannar verður 19.desember í húsnæði skólans. 

Ertu með prófkvíða? Hér eru Góð ráð við prófkvíða